ياطول ليل معذّب القلب طولاه
تشيب عينه ماتهنّا بنومه
لاصار له خلّن يوده وخلاّه
قامت تزايد فوق قلبه همومه
ان كان همّه فوق صبره تعلّاه
يجيه فوق الضّيق حرّة سمومه
ماينفعه كثر التّوجد ويلاه
ياجاهلين الحب هذي علومه
وانا طريح الحب قلبي تبلّاه
غرون حسين الدّل زينه سلومه
خلّي كما ظبين شرودن بمفلاه
الله يلوم اللي لقلبي يلومه
اليا درج مع فيضتن قلت محلاه
لو ينجلب لسّوق وقّفت سومه
وياطول ليل مولّع القلب طولاه
يسهر الين الليل تسري نجومه