انا عليك ومنك ياسيد الغيد
مييت ولا لي بالسلامه طماعه
غرقت في جمن على غير تحديد
ماله على مد المقاييس قاعه
غامرت لين اني تربعت بالعيد
واليوم ادور في هواكم شفاعه
جاني من الفرقا مشاكل وتهديد
و أعن السهر عيت تزيد المناعه
والفيد مامن فيد ياراعي الفيد
الا عنا قلبن يزيد ألتياعه
أردد الونه على الصوت واعيد
واقول لو انه كفانا القطاعه
لو كان مهدلي على البعد تمهيد
مثل الفطيم اللي يحب الرضاعه
ماهوب يرمي بي على ضفة السيد
يترك هوانا للزمن والضياعه
لكن ابا اندد على الوضع تنديد
لعلي القى في هواكم شفاعه
من عقب في حبك تربعت بالعيد
لعلي اقنع والغنى بالقناعه