ياليل طالت ظلمتك هو متى الصبح ..
العمر يسبق بالخطآوي سنيني ..
يموت جرح ويخلفه بالحشا جرح ..
وأنا أرسم الضحكة وقلبي حزيني ..
من وين ماألدّ إنهدم للأمل صرح ..
وماتت بشاير فرحتي وسط عيني ..
ملّت مزايا طيبتي تعشق الصلح !!
على جفــآ من صافحتهم يميني !!
يآليل ماكنت ارتجي مِنّــهم مدح
سلّمتهم _ بسم المحبة _ كـِنِـينـي !!
وبسم الميانة.. بعثروا صآفي الربح
غير ((الخسـارة)) مابقى في يديني !!
ألمح مواري غدرهم بالخفا ~ لمح "
واقول " بعض الظن " إثم ٍ مبيــــني ..
لين انصدم في طعنــــةٍ مابها رمح
والموت لاجت طعنتي من عويني !!
راحت بقايا أجمل ايامنا .. ملح !!
واتشوهــت ذكرى الغلا ,, بــالونيني ..
هنا .. تجلّت دمعتي ~ وانجلى فـرْح !!
هنا .. تلوَّت بصمة الجرح فـــــيـــني ~
هنا .. تمادت ليلتي ~ وانفهــق صبح ..
وتناثرت " قدام عيني " سنـــيــــني ..
ما للخطآيا عقب جرح الخوي /~ شرح
كاني نسيت الجرح / ؟ هو مانسينــي !!
ياقلب غض الطرف بالخاطر السمح ..
خل الخفايا ذيـــــك ~ بينك وبيني !!
وتبقى الكرامة عآليــــة~ مالها سفــح..
ويبقى شموخي مرتـــسم في جبيني ~