|
رد: الرجاء من الجميع الدخول للأهميه !!
وعليكم السلام و رحمة الله و بركاته
حياك أخوي
ان شاء الله راح تستفيد من الملتقى الكل هنا ولله الحمد والمنة متعاون ويحب يفيد
والدراسة عن طريق الانتساب المطور بجامعة الملك فيصل ممتعة جداً و مريحة
طيب أنا بوضحلك عن بعض استفساراتك بإختصار و إن شاء الله الباقي مايقصرون
أولاً البلاك بورد
دخوله بيكون بالرقم الجامعي الخاص فيك و كلمة المرور
وهو عن طريقه راح تقدر تحل الواجبات و تشارك بمنتدى الحوار و تشوف محاضراتك و تنزلها وكل هذا عليه درجات مجموعها 30 درجة
ثانياً البانر
عن طريقه راح تسجل فيه موادك بالمستويات القادمة يعني المقررات راح تنزل ببوابة التعليم المطور و أحنا نشوف أي مادة نبي ناخذها وناخذ رقمها من الجدول ونسجلها بالمكان المخصص لها في البانر
ثالثاً منتدى النقاش
هو منتدى خاص بموقع الجامعة ماحد يقدر يدخله الا بالرقم الجامعي وتقدر تحط موضوع او استفسار عن أي شي تبي تعرفه ومو إجباري التسجيل
رابعاً كيفية حل الواجبات و المشاركات
وهو عن طريق دخولك البلاك بورد برقمك الجامعي و كلمة المرور وعند كل مادة موجود أيقونات ومنها أيقونة الواجبات تدخل عليها و تحل الواجب طبعاً كل واجب وله محاولات إذا انتهت ماتقدر تعيد الحل يعني لازم تكون متأكد من الحل عشان تاخذ العلامة الكاملة وعادة المحاولات ماتتعدى الثلاثة
والمشاركات راح تكون أيضاً في البلاك بورد ...عند كل مادة راح تلقى أيقونة لمنتدى الحوار وفيها فقط الطلاب اللي بنفس المستوى و اللي ماخذين نفس المادة والمطلوب منك مشاركات فعالة توصل لين 14 يعني مو ردود مثل ( شكراً _ او يعطيك العافية .......) لازم تكون عن المادة أسئلة أو تعاريف أو رد على سؤال من الطلاب
خامساً البريد الألكتروني
صراحة أنا ماأستفدت منه بس ممكن عن طريقه تراسل الدكاترة تبع المواد وتستفسر منهم
وجدولك تلقاه في الخدمات الطلابية
وبالتوفيق لك و للجميع لما يحبه و يرضاه
أختك
ألماااااس 
|