ياقصيدي دام خانتني الظروف
......................................ليه ما تفزع وتاصف موقفي
قلهم كيف العبت بي هالظروف
......................................وكيف انا بالعمر ضيعت اهدفي
العمى ...ماهو بشخص مايشوف
......................................العمى ...من نور قلبه منطفي!
حالف اني للردي ما اسعى واطوف
......................................دام لي راس(ن) تشيله أكتفي
وما على الماضي بقاموسي حسوف
......................................وماني لباكر شغوف(ن) او شفي
والسؤال اللي ذبحني مايروف
......................................هو سؤال(ن)اسفل ضلوعي خفي
من كسف شمسي وانا بليا كسوف
......................................ملتعن خامس ابو جد جدفي ؟
ان بغيت اروي ضمايه بالكفوف
......................................تعجز كفوفي وشربي iينكفي
لا زمن يرحم ولا حـظ(ن) عطوف
......................................ولا وليف (ن) في وليفه يحتفي
العمر يمضي وحنا في وقوف
......................................انتأخر ....وانتأخر...وانهفي
تاهت الخطوات والدرب معروف
......................................ومن يلوم الرجل لوهي ترجفي
كيف ابشبع يامتاهات السيوف
......................................خايف ارقى ثم اطيح iواختفي
خلني صايم ولا زاد(ن) بخوف
......................................القناعة كنز لا يفنى ظفي
وكان يانفسي عطشتي من الظروف
......................................اغرفي من هم صدري وارشفي