|
يا اخوان ترى هذا اسمه منتدى مو شات .. قبل تسئل ابحث
السلام عليكم ورحمة الله وبركاته
طبعا انا طالب مستجد 
احس اللي بيقرى الموضوع يقول هذا وشفيه توه ماله الا يومين ومسوي زحمه ..
انا استغرب من الاخوان والاخوات اللي يكررون نفس السؤال !!
انا فتح البلاك بورد وماحصلت مواد؟؟
شلون اسجل مواد؟؟
المشكله لو نحسب الصفحه هذي والصفحه الثانيه بنحصل 80% من المواضيع تتكلم عن الشغلتين هذي
ياليت الواحد قبل مايحط سؤاله ياخذ له فره على المواضيع ويقراها وبيحصل كل اللي يبيه واجابه على كل اسئلته ..
وفي مشكله ثانيه يجي واحد يكتب موضوع الحقوني ولا انقذوني ولا ساعدوني ولا فتحت البلاك بورد وحصلت ...؟؟؟ <<< مسوي اثاره مثلا 
حط موضوع واضح مو بس عشان اللي يقراه يعرف شنو تبي .. لا عشان اللي عنده نفس استفسارك يستفيد ولا يحط موضوع ثاني نفس موضوعك ويصير المنتدى حوسه
اعذروني يمكن قسيت عليكم شوي بس عشان نبدا بترتيب شوي من بداية السمستر
النحشه 
|