ياناس أنـــا ماعاد لي شئ فالكون . .
من عقب ماودعهتا . . ليل الاثنين . . .
ودعتها والنفس من دون في دون . .
والحزن في وجهي الشقي . . لازم يبين . . .
وجدي عليها وجد من بات مديون . .
عقب الغنا . . مديون خمسة ملايين . . .
يمسي بغبن ويصبح الصبح مغبون . .
ويفز لامنه ذكر . . طاري الدين . . .
يفز كنه ضاربه رمح مسنون . .
حده حديد . . يغوص لاقصى الشرايين . . .
كنه يذوق الموت بالهون بالهون . .
وكن الجسد . . بشويش يبتر بسكين . . .
ومن عقبها حطوه فالحبس مسجون . .
بسجن انفرادي . . يونس الظلم ظلمين . . .
يذكر عياله يوم قادوه يبكون . .
اكبرهم اللي . . مابلغ عشرة سنين . . .
هذاك حالي مير مافظ مكنون . .
هذاك مثلي . . كان يابنت توحين . . .
يالله ياللي امرك الكاف والنون . .
يالله ياللي . . تعلم السر والبين . . .
عساه مايمسي ولايوم محزون . .
والله يوفق صاحبي . . قولوا امين . . .
صحيح بان الحب مافيه قانون . .
ياوين أنـــا هالحين . . والغاليه وين . . .
بابقى على عهدي ولافكر اخون . .
لو الزمان . . يبدل الزين بالشين . . .
حلفت ماكتب عقبها بيت موزون . .
من هو بعدها . . ينكتب فيه بيتين . . .
( A)