2009- 6- 7
|
|
Banned
|
|
|
|
أبي لامن وصل صوتي يحس بضيقتي إنسان
السلام عليكم ورحمة الله وبركاته
مابين الواقع والخيال
آعجبتني فنقلتها لسمو آذواقكم
أبي أبكي من الضيقة وابعزف للهمـوم ألحـان
أبي أطلق مواويل الحـزن واطـرح دواوينـي
أبي أشكي أبي احكي أبوصف للبشـرحرمان أبيهم كلهـم يـدرون أبيهـم يشعـروا فينـي
أبي لا من طرى اسمي بكى من لوعتي شيبـان
أبي لامن طرى"عاشق" ذكر من كـان يغلينـي
أبيهم يذكرون إنـي بدمعـي صرت آنـا غرقـان
أبيهـم يعرفـون الهـم هوّ اللـي يخاويـنـي
أبي أصرخ وأبلغهم وأقول إن الفـرح خـوّان
يجي مرهـ معاي وهو بطـول العمـر ناسينـي
أبي اترك لهم قصة وأخيّرهـم علـى العنـوان
يسمّوا "حزن "يحطوا "دمع"أنا ما عـاد يعنينـي
أبي لامن وصل صوتي يحس بضيقتي إنسـان
أبي لامن نزف جرحي لقيـت اللـي يداوينـي
أبي شخص يجي يمـي ويقفـل للعنـا بيبـان
أبيه يكون لي خـلٍ علـى حزنـي يواسينـي
أبيه لمركبي مرسى وأبيـه لغربتـي أوطـان
أبي لامن ذرفـت الدمـع لينـه لـي يعزّينـي
أنا ما أبيه يصبح ضلع أبيه يكون لـي ضلعـان
أبي لا من مشيت وطحت حط يديه في يدينـي
إلامن خانني التعبير أبيـه يكـون لـي لسـان
أبي لامن سكتْ ألقاهـ .يفهم مـن نظـر عينـي
أبي لا من تعبت وضقت لمّ الروح بالأحضـان
أبيه يكون لـي كتـاب إذا ضاعـت عناوينـي
أبي أعشق وأبي أغـرم وببنـي للهوى بنيـان
أبيه يكون مبنى ضخم ويسكـن فيـه مغلينـي
أبي واحد ويسكن بي وابطرد لأجلـه السكّـان
أبي يسكن وسط قلبـي وعمـرهـ مـا يخلينـي
أبي أشعل شموع الحب وبأعطي من الغلا بستان
أبـي أهديـه باقـة ورد ..مسقيهـا شرايينـي
مع أصدق الود
\
\
اخوكم 00نـــواف القح ــــطانـي
|