2011- 9- 23
|
 |
أكـاديـمـي مـشـارك
|
|
|
|
|
كيف تعدي المستوى الاول بنجاح باذن الله "تجربتي"
مرااااااااااااااااااحب
ياحلوووووووين
معكم اخوكم زيدان من المستوى الثاني يتحدث.gif "(204)")
حبيت اني اكتب هذا الموضوع لأنكم فعليا تبون تبدون دراسة بعد بكره، وعشان تكونون مرتبين ابي اعطيكم بعض النصايح من خلال تجربة الترم الماضي ( من شاف مواضيعي يدري اني كنت من كبار الداجين هنا ) ولكن بتوفيق الله ثم بجهود الاخوان الخيرين هنا خضت تجربة الاختبار بنجاح والحمدلله.
عشان كذا ابكتب لكم تجربة قصير جداً في كل مادة وهي خمس مواد:
ابدى من الرياضيات لأن كثير خايف منها
رابط ملخص الاخت امل الشهري وبصراحة هو الافضل لأنه شامل ومختصر
http://www.mediafire.com/?8gh51g3n26sussj
وفيه الاله الحاسبة "كاسيو fx991es ساعدتنا لكن المشكلة ما عرفناها الا متأخر عشان كذا حطيت في المرفقات ملخص لطرق الحل بواسطتها وفيه ملخصات اخرى بنفس الفكرة.
ضروري تتابع المحاضرات زين وبدري وتنتبه للتمارين وطريقة حلها ، التمارين اللي جت في المحاضرة نفسها جت في الاختبار تقريباً.
الاقتصاد الجزئي
مادة دسمة جداً وفيها لف ودوران كثير خاصة في المنحنيات لكن الموضوع سهل بس يبي له تركيز وفيه معلومات كثيرة لو مريت عليها مرور سريع تلقى نفسك تقدر تجاوب على الاختبار بسهولة شديدة ، لأن مدرس المادة بصراحة جاب اسئلة كثيرة سهلة عشان الطلاب يعدون على الاقل.
وهذا رابط للكتاب المقرر ، بصراحة اكثر الاسئلة جت من خلاله ومن المحاضرة 14
http://www.mediafire.com/?leh442rt47wtllr
القانون
مادة معلومات من الدرحة الاولى ولافيها شي معقد ابداً لكن بقراءه مركزة لو لمرة واحدة للكتاب تلقى سهولة في الاجابة ، الدكتور قال في آخر محاضرة مباشرة ان 70% من الاسئلة من الكتاب وبالفعل حسيت انه جاب كمية كبيرة من الاسئلة من الكتاب وليس من الملخص
وهذا رابط الكتاب يا شباب
http://www.multiupload.com/INZB8P1PTG
المحاسبة
بصراحة مادة يبي لها تركيز ومراجعة مبكرة وتصير الامور واضحة ولا انصح باي ملخص لها ، الكتاب ومتابعة المحاضرات اضمن شي.
المحاضرة 14 كان فيها مراجعة هامة ( موجودة في المرفقات )
الادارة
مادة سهلة وهي عبارة عن كمية معلومات واعتقد لو الواحد يقراء الكتاب المقرر ويسوي له مراجعة بسيطة قبل الاختبار ينجح وبدرجة عالية بعد ، مدرس المادة جاب معظم اسئلته من الكتاب والملخصات الموجودة هي عبارة عن جهود طلاب يشكرون عليها لكنها تقريبا نفس محتوى المحاضرات يعني رؤس اقلام .
للاسف ماعندي رابط للكتاب لكنه متوفر في المكتبات على حد علمي .
**************
نصائح عامة :
* حمل المحاضرات المسجلة اول باول.
* يعلنون عن محاضرات مباشرة ، كل شهر محاضرة لكل مادة .... اذا قدرت تحضر حلو واذا ما حضرت لاتنسى تحمل المحاضرات وبدري بعد عن طريق ايقونة المحاضرات المباشرة في البلاك بورد.
* حل الواجبات او ما تنزل وبعد ما تتأكد من الحل السليم اول باول ، لأنهم يقفلون الايقونة بعد فترة فلا تضيع 3 درجات من يدك بسبب الاهمال والتأخير.
* البلاك بـــــــــــــــــــــــــــــورد يصير عليه ضغط فترة الاختبارات ويعلق بكثرة ويقفل احياناً فلازم تكون مخلص كل شي بدري قبل الامحتانات بفترة مناسبة.
* صدقوني في ايام الامتحانات كان فيه ناس تسال تبي تحل الواجبات وتبي تسوي مشاركات وتبي تحمل محاضرات لكنهم تعبوا من البلاك بورد .
* خلص المشاركات في المنتدى او حل قضايا النقاش بدري ، قضايا النقاش يحلونها الاخوان هنا يعني قص والصق واذا فيه جهد شخصي اضافي فشي طيب. والمشاركات ممكن تلطشها من النت وانتبه من المشاركات القصيرة بكلمة مثل شكرا او السلام لأنها تحذف من قبل النظام.
* اذا حملت المحاضرات كاملة " مسجلة ومباشرة " ثم حليت الواجبات وارسلتها بدري ثم قمت بالمشاركة بـ لا يقل عن 14 مشاركة او حل قضايا النقاش تكون ضمنت 30 درجة قبل الاختبار.
* جميع الاختبارات اختيار متعدد.
* لا تخافون من سالفة تعبئة المعلومات قبل الاختبار ، هي عبارة عن معلومات وتضلل دوائر في ورقة الاجابة بس البعض يسوي من الحبة قبة " الموضوع طبيعي بعد التجربة ولا فيه اي ازعاج"
وهذا رابط يوضح اكثر ان شاء الله http://www.mediafire.com/?qso93uzp4o053ee.
وهذا رابط فيه توضيحات هامة http://www.kfu.edu.sa/ar/Deans/elear...structions.pdf
المهم يا اخوان لا تخافون وترى الموضوع سهل جداً بعون الله ثم بالجهد والاستعداد المبكر ،،،
يا اخوان يعلم الله اني ما تعتب في هذا الموضوع الا عشان ما تمرون في نفس الحفر اللي مرينا فيها الترم الماضي ولا ابتغي منكم الا دعوة صادقة .
والله يوفقكم ويرعاكم
|