|
تهنئة لليوم الوطني للمملكة العربية السعودية
السلام عليكم ورحمتة الله وبركاته .... 
حابه أهنيكم بمناسبة اليوم الوطني ....... " للمملكة العربية السعودية "
و أقول ياااااااااارب تحفظ لنا مملكتنا وتخلي لنا حكامنا وتعطيهم الصحة والعافية 
و اللة يديم الأمن والأمان والاستقرار والفرح في بيت ابو متعب الكبير ويديم علية الصحة والعافية باذن اللة انة السميع المجيب
المملكة العربية السعودية >>>>>> انتي ما مثلك بها الدنيا بلد 
وتستاهلون هذه القصيدة .......... 
اليوم عيدٍ للوطن لاشك ماهو بأي يوم
واجب علينا نفرح بيوم الوطن ونعايده
اليوم يوم المملكة ياجعلها الأفراح دوم
وياجعل نعمة الرخا والخير فيها سايده
الدولة اللي خيرها للناس ماهو بمعدوم
اللي على كل الدول بالطيب دايم رايده
عسا مؤسسها من الجنات ماهو بمحروم
عبد العزيز اللي تصدى للحمول الكايده
فيما مضى يوم العرب بالوقت هازم ومهزوم
قضوا على كل الفساد معزي وسنايده
طغوا على كل المعادين بقويات العزوم
ومشوا على الدين الحنيف وطبقو عقايده
واليوم في ظل الملوك نرد ونذل الخصوم
وحكامنا ياجعلهم دايم بصحة زايده
اللي عطاهم ماقصر واضفا على كل العموم
في عهدهم شفنا التطور والرخا والفايده
الله يحفظهم من شرور المعادي والظلوم
ويمدهم رب البشر من فضله ومدايده
وحنا دروعٍ للوطن نفديه في وقت اللزوم
الكل منا جدد العهد لوطنه وقايده
|