بسم الله الرحمن الرحيم
اشكر اخي ازرق على طرحه لهذآ الموضوع
ونتمنى من خلآل هذآ الموضوع ان يصل صوتنا لأدارة جامعة الملك فيصل
ويلآقون لنا الحل السريع مع بدآية السنه الجديده لمشآكلنا
لو جينا نتكلم عن المشآكل اللي نتعرض لها في حياتنا الجامعيه رآح نحتاج ايآم وايآم وحنا نتكلم ونستعرض الامثله
انا طالبه في كلية التربيه بالجبيل .. فقدت الثقه في القسم وفي الكليه وانا الى الآن في سنه أولى
اذا بنخص المشآكل .. ببدأ بالمشآكل اللي انا وغيري من الطالبات في قسمي نتعرض لها
قسم اللغة الانجليزيه ..
اول مشكله تعرضنا لها ومن اول السنه .. نقص في طاقم التدريس
مادتين مادرستهم من السمستر الاول .. وش ذنبنا نتأخر دراسيا بسبب ان الكليه ما وفرت لنا دكاتره
ونجي السمستر الثاني وتنضغط لنا المداتين في سمستر وآحد .. اي عقل اللي بيقدر يجمع
ولآ متأجله معنا ماده بعد .. وتعالوآ غصب وادرسوا صيفي
يعني حنا القسم الوحيد اللي ياخذ 10 مواد تخصص
صحيح ان حنا أدب انجليزي .. بس المفروض يبدأون معنا بالتدريج
ندرس السمستر الاول مؤسسات اللغه وبعدها نبدأ بمواد التخصص
1/ التعامل غير المحترم مع الطالبات لدرجة تصل إلى الإستحقار و الإهانة من قِبل بعض الدكاترة و الإداريات و الموظفات .
هذي المشكله بذآت مشكله لا أعلم الى متى نجد حلها .. رئيسة القسم مصريه !! ليه ؟! قلوآ الموظفآت السعوديآت
المشكله انهم يسبون فينا حنا يا بنات السعوديه وغيره من الكلام اللي الواحد المفروض مايقوله لبنات البلد اللي هي متكرمه عليه و موظفته فيه
وغير ذلك رئيسة القسم دائما ضد البنات .. يعني الدكتور قرر ان الاختبار اختياري .. تجي رئيسة القسم وتجبر الدكتور انه يجيب لنا مقالي
وخل اذكر لك مثآل حصل لي مع احد معيدآت قسمنا
للأسف الشديد تعثرت في مادتها السمستر الاول .. ولاني حملت الماده يجب علي اعادة درسها الفصل الثاني
رحت اتكلم مع معيدتي الاوليه على جدول الاختبارات .. وليه الماده هذي حاطينها سبت وهي ما تستاهل
رفعت راسها وطالعت فيني وعرفت اني حامله الماده وقالت بكل برود واهانه لي : عشآن تنجحين هالمره
المشكله اني حملت الماده مو تقصيرا مني .. بل لسوء شرح المعيده
2/ عدم إفادة الطالبات بما يحتجن من معلومات بسبب التخبط الموجود لدى الموظفات و الإداريات وعدم إفادتهم إفاده كاملة وصحيحة وايضا عدم الإستماع لهم احيانا والتذمر ايضا من اسئلة الطالبات عند الحاجة.
اقدر اقول نعم .. حنا تحولنا نظام جامعي نروح نسأل معيداتنا عن بعض المشاكل يقولون ما يدرون لان النظام جديد عليهم
يعني المفروض المرشدات تكون عندهم خلفيه كامله عن الانظمه اللي تغيرت عشان تفيد البنات
3/ مشكلة ترسيب الكثير من الطالبات .
مشكله موجوده وبكثره وما احد يقدر ينكرها
دخلنا سنه اولى 100 طالبه ومع الباقيات للاعاده اصبحنا في حدود 140هل من المعقول ان 40 طالبه بس اللي تنحج بالماده و100 حملوا الماده
4/ بعض موظفات الأمن بحاجة إلى دورات في فن التعامل مع الأخريات ، كما لديهن تقصير في حفظ الأمن في أقسام الطالبات بالإضافة الى التفرقه بين الطالبات بحسب عائلتها او من تكون هذه الفتاه ،
أمن كليتنا حدث ولا حرج .. عندهم صلحيات ليست من حقوقهم .. اذا بيتكلمون عن ملابس البنات خل يتكلمون بالاول عن البويات اللي عندنا وبعدها يتكلمون عاللبس .. وظيفتهم هم المحافظه على الامن في الكليه فقط لا غير
5/ لايوجد نظافة صحية بالكافتيريا ، بالإضافة إلى أن الموظفات العاملات بالكافتيريا لا يلتزمن بأبسط معايير النظافة ، و بعضهم يتعاملن مع الطالبات بطريقة غير لائقة . و التسعيرات بالكافتيريا مبالغ فيها.
من ناحية الكافتريا .. المشكله مشكلة البنات .. يعني تقومين من على الطاوله شيلي الوسخ معك .. وشوله يقعد على الطاوله متكدس
ومن ناحية الاسعار فهي مبالغ بها وبقوه يعني نفس المطعم اللي تتعامل معه الكليه يجيب الاكل بسعر اقل
والمشكله ان الاكل ما يكون fresh يعني نشوف اثار التسخين عليه .. ناويين يسموونا يعني
6/ مشكلة التكييف وعدم توفير الاجواء المناسبة بالكليات وخاصة بفصل الصيف .
ولله الحمد في كليتنا نعاني من كشلة برودة التكييف .. يعني في عز البرد والمكيف يشتغل نموت من البرد وما احد يحس فينآ
وغير هذي المشآكل في عندي مشكلتين بعد
اولها : مشكلة اللبس .. يعني كلنا عارفين جو السعوديه والحر اللي حنا نكون فيه .. النص كم ليه ممنوع ؟!! رغم اننا بالكليه كلنا بنآت انا اقول اذا بيتكلمون عن طريقة لبس البنت يكلمون البنات المسترجلات قبل لان هذآ الحرآم مو النص كم
حر يآ ناس حر وألبسوآ كم
ثانياً: الاجهزه الالكترونيه : انا ابي اعرف شي واحد ليه يمعنون الجوال من البنات او مشغلين الاصوات الاحتكار هذآ كله ليه
واتمنى مشاكلنا توصل للأدراهـ ونلاقي لها الحل بأقرب فرصه