|
رد: [ ( شَوُآردْ شَع’ـريّه ) ] !
ماكان لازم يوم حبوني احب
مفروض ماطاوعت قلبي و الحنين
وشفيها يعني لو اعيش ومااحب
يا كثر ناس ماتحب وعايشين
اشواقهم نيران وايامي حطب
هو ليلهم فرحه وانا ليلي انين
ماشفت ضحكتهم ولا ادري بالسبب
نفسي اعرف هالبشر تضحك لمين
المشكله في قلبي اللي ماكذب
منهو سمع في قلب شاري بايعين
لا ماخذينا في هوانا الا التعب
شايفين وصابرين وساكتين
احيان افكر اطلب احبابي طلب
واقول خافو الله في قلب حزين
واحيان اقوم ارد قلبي بالغصب
واقول كافي حب عذبني سنين
هذا الوفا يااحباب من سلم العرب
وانتوا تياسرتوا وانا دربي يمين
يالله اتركوني وهذا هو اخر طلب
ترى الحزن ساعه ولا الحسره سنين
|