بقولكم سالفه من حياتي الحفله 
تذكرون يوم قالوا يبون يسوون ثوره بالسعوديه فيه نفره بغت تمووت
ماتخيلت ان السعوديه بيصير فيها زي مصر وتونس عدم أستقرار ومافيه امااااان
تدرون ان حنا سااعت ننام وباب بيتنا مفتوح محد سرقنا والله العظيم منطقتنا آمنه والحمد الله
<<< أخااف احد يطب علينا بكره
اكملكم سجلت بالفيس بوك عشان اشوف واقول رأيي حسيت مايصير اسكت لا
واخلي اختي تسجل معي وخوياتي بالفيس
الزبده كنت اشوفهم وهم يسبوون ويخططون ويحددون الأماكن إلي بيخرجون منهاا
وأماااكن تجمعهم يممممه يممممه بس كنت ما أسكت والله
تدرون قلت لايكون تصير صدق ويخرجون السعوديين يبون إسقاط النظام
ثم يطلعون لنا العررابجه يقتحمون بيوتناا
بلطجيه = في مصر
شبيحه = في سوريا
مُرتزقه = في ليبيا
واحنا العراابجه
ماتتصورون كيف خشيت جو لدرجة قلت لأخوي ابي سلااح ابي ادافع عن وطني
ياحليلي والله من جدي قلت لأخوي هرب لنا أسلحه بتقب ثوره
هو كان يقولي موب صااااير شي تطمني
<< انا ساعاات اصير مجنوونه قممة الجنون يوصل معي إذا تحمست على شغله
لاتستبعدون مني اي شي اي شغله يمكن اسويها ابيييعها
وانا تحممست بالبحث ادخل مواقع الليبراليين والزحمه ذي والجرايد الاجنبيه تكتب وش بيصير
بالعالم لو صار بالسعوديه ثوره عشان النفط وكذا
أذكر الخليجين والعرب يقولون لا شلون تطلعون ومكه والمدينه وش بيصير فيهااا
مو على كيفكم وانا ادخل عرض اايد كلامهم
<< في كل شي اشطح
اتذكر كنت اكلم خويتي هواويه اقولها اكتب موضوع في قسمنا بالملتقى اكلمهم واقولهم
انهم يبون يسوون ثوره واطلع ادلتي إلي لطشتها من الفيس بوك
ان الثوره من ناسسااات من براا لو عندي الصور كان وريتكم بس حذفته المجلد بكبره
المهم قالت لي هواويه لا لا تكتبين أخااف تنبهين النااس يمكن مادروا وانتي تعلمينهم ويروحون يطلعون
قلت ايه ايه صاادقه واصير انا السبب أنا إلي شهرت بالثوره
<< كل ماتذكرت كلامي معهاا افططططس ضحك وشذا وشذا
لا وكان بنفس اليوم إلي محددينه مبارة الهلال والنصر وانا كنت متحمسه للمباره من يوم ماسوو القرعه
بس بعدها قلت الله لايجييب ذاك اليوم معد ابييه
لا وكانوا خواتي يقولون لي ياا الله يمكن يصير الملعب نقطة تجمعهم ويخربون وكذا
بس حمدالله صاار العكس
هذي الصوره يوم المباره قشعرني بدني لحظتهاا والله يعني لحظه ماأنساهاا
اذكر كنت اشوف المباره بالصاله +المقلط
بس ترى الله يهديهم النصراويين من زود حماسهم يبون ياخذون العلم من جماهير الهلال
فأمزع قلت الله يستر لا تصير الثوره دامه امزع يالنصراويين نكبه بكل شي
بس حمدالله ماصاار إلا كل خير
<< حسيت اني عجيز
والله يدييم الأمن والأمااان على مملكتنا وعلى الخليج والعالم بكبره
<< فديييت سفيرة السلاام أنا