ما تقبلت الفراق ومالـ يدي فيه حيله
آه لو إن الظروف المقبله تكشف قدرها
لو يعرف الشخص منا وش مع الغيب بيجيله
كان جنبنا المشاكل من قبل يوقع ضررها !
ماهقيت الليله اللي جابت الفرقى طويله
لين صارت ليلة امس بعيني اطول من شهرها
والعذاب اللي يذوب بعين من | يفقد خليله |
عندي اكبر من عذاب العين لو تفقد نظرها !
و الحبيب اللي صدوده مثل مداته جزيله
صد عني واعرفه لاصد عن حاجه [ هجرها ]!
كن روحي يوم حست في جفاه و" صعب " نيله
بشرتني با الضياع وشدت العزم لسفرها
مارحمها من هلاك وما تقبلها دخيله
تحتضر قدام عينه لين | ماتت من قهرها |
عاد ذاك اللي ذبحها وارهب الموووت بوسيله
مادفن وجه الضحيه والسكاكين بنحرها
ليت قلبه يوم طاوع فعلته كمل جميله
لو غسلها من عروقه وبكفن [ صدره قبرها
من حفر بضلوع قلبه حفرة تكفي قتيله
ليه ما يدفن قتيله با الظلوع اللي حفرها ؟!
إشتكيته لـ الرفوف ولـ البراويزالهزيله
وإنذعرت من النياح اللي سمعته في .. صورها ! ❤
❤ حامد زيد