اهلا المترفه
اخبارك غلااي طولتي الغيبه علينا
افتح شبابيك الهـوى جيتـك اليـوم
بحساس من زود الوله خايف يطير
جيتك مثل طفلً لـه أيـام محـروم
عن حضن أمـه بعدتـه المقاديـر
وجيتك مثل عودً لـه أيـام مهمـوم
وده يلأقـي بأخـر الوقـت تقديـر
وجيتك حضن عاشق هايم ومغـروم
وده يضمك لين تصبح علـى خيـر
متى تحس أن الهوى شـي مقسـوم
من قسمة الخالق على خلقه يصيـر
ومتى تحس أني لك أطيـح وقـوم
وأتعب على شانك وقـدرك وأغيـر
لي في هواك أحلام وأمال وعلـوم
وأحزاب وأصحاب وقصيد وجماهير
وهموم وأفكار وهواجيـس وحلـوم
وادروب وأخطار وعذاب ومشاوير