|
رد: عدنا والعود احمد -----> بس مع موضوع غير شكل ^_*
هلابك هلابك اخوي زحلط من كثر ما تقول انك صغير احس انك متقاعد
المهم نرجع للموضوع
بنسبة لي صارت لي اكثر من مره
المره الاولى كنت بالحج ونا بالباص كان بجنبي رجال جاي مع زوجته وبناته طبعا مع السواليف عرف اني عزوبي وجلس يحاول يسحبني ويعرف اموري وفي الاخير عرض علي الزواج بوحدة من بناته انا انحرجت ما بغيت افشله صراحة ولا كنت صراحة متوقع ان احد يعرض علي مثل هذا العرض يعني انصدمت قلتله خير خلني اشوف الاهل وبعد الحج يصير خير وعطيته رقمي الثاني تبع التصريف يعني اي واحد ينشب لي اعطيه الرقم الثاني والى يومك ينتظر ردي
المره الثانية كنى بمجلس رجال وجاك واحد الله يهديه وقال ان عبدالرحمن الي هو انا ما تزوج انصحوه ويجيك رجال يحاول يعرف وش الي مخليني عزابي الى الان وبعد الحاح منه عرض علي اخته انا طبعا فكرت ان الموضوع كلام مجالس يعني شوي ويسكتون طلع الرجال صادق ويقول تعال شف النظرة الشرعية والرجاجيل الي بالمجلس جالسين يقولون يالله وافق ويضغطون علي ونا ارفض صراحة  والى يومك مستحي من الرجال احاول ما اشوفه بالمجالس
وفيه قصة حصلت لواحد من زملائي كان يشتغل بالتعداد السكاني ولما دخل بيت احد السكان وبعد الحديث والنقاشات عرض عليه صاحب البيت وحدة من بناته لان الرجال عنده تقريبا 9 بنات ماشالله وزميلي كان متزوج ما صار له سنة تقريبا بس زميلي اعتذر بانه توه متزوج ومرتاح مع زوجته
والى يومك والعروض تنهال علي >>>>> مو عاقل مهند السعودية لدرجة اني حطيت لي مدير اعمال يرد على الخطابات
تحياتي لك 
يعطيك العافية اخوي
|