|
رد: مساعده قويه :: ضاع على اختي رقمها الجامعي ..
طيب ...
الأشياء اللي تقدرين تعرفين من خلالها الرقم الجامعي هي :
- بعد إعلان النتائج وفي داخل الصفحه عن الإستفسار عن النتائج كان هناك ورقتين لازم نطبعها .. كان فيهم جميعا الرقم الجامعي .. (( وفي الوقت الحالي ما تقدرين تدخلين عليها لأنهم شالوها وخلوا بس المعلومات العامه اللي ممكن تستفيد منها بشكل سطحي .. وأما الرقم الجامعي ما هو موجود الآن بهالصفحه ))
- رسائل الجوال .. فيه رساله يرسلونها بعد السداد عن الباسوورد حق البلاك بورد فيها الرقم الجامعي والسري .. وهذا مهم جدا .. وأيضا رساله بعد القبول يفيدونك بالقبول والرقم الجامعي ..
- السداد .. لمن تسددت أكيد عطوها وصل .. بعض الأحيان يطلبون الرقم الجامعي .. وبعض الأحيان يكتفون برقم الأحوال المدنيه .. البطاقه .. طبعا إذا طلبوا منها الرقم الجامعي .. كويس .. الحل (( تروح لنفس البنك وما يهم الفرع .. يعني بنك الرياض وأي فرع .. وتعطيهم رقم بطاقة الأحوال المدنيه .. واكيد إن كان مسجل الرقم الجامعي بيعطونها .. أما اذا ما طلبوا منها من البدايه اكيد ما راح يكون مسجل فالله يعين )) لأنهم يتكفون بكلتا الشيئين .. إما الرقم الجامعي للسداد أو رقم الأحوال المدنيه .
- ترجع لنفس فرع البريد ... وهذي ما أدري عنها لكن كحل .. تعطيهم الإسم وإن البريد كان موجه لـ جامعة الملك فيصل .. وبكذا إن شاء الله يقدرون يطلعون لك البيانات .. وراح يطلعون الوصل .. والوصل مسجل فيه الرقم الجامعي .. لكن إن شاء الله تمشي معك .. لأنه فكره جيده وإن شاء الله تفيدك .
- إتصلي على عمادة القبول بالجامعه (( طبعا 905  أو موقع الجامعه تلقين إتصل بنا )) المهم إما عمادة القبول والتسجيل أو .. إدارة التعليم عن بعد داخل الجامعه خوذي التحويله وكلميهم ..
(( هذا كل ماعندي ))
والله يوفقكم وردي لنا خبر إن كان حصل شي كويس مع التحيه
|