السلام عليكم ورحمه الله وبركاته
نزلت المحاضرات للمواد وشفت ناس كثيره مايعرفون يحملون قلت اسوي الشرح هذا لعيونهم
المهم انا ماكان في واحد اغبى مني هنا الى درجه البلاك بورد كنت احسبها جهاز مثل البلاك
بيري
ونصيحتي لكم تابعوا المنتدى هذا كل يوم والله لما سجلت هنا وتابعت حسيت
اننا اخوه مع بعض واشكر من كل قلبي الأعضاء هنا
المهم بسم الله نبدا
في صفحه المنتدى هذا تلقى مكتوب بلاك بورد
مثل الصوره هذي
عند الضغط على البلاك بورد تفتح لنا الصفحه حقت الإسم الجامعي كلمه المرور هذي
نكتب الرقم الجامعي وكلمه المرور وبعدها نضغط تسجيل دخول وندخل البلاك بورد
عند دخول البلاك بورد تفتح معنا الصفحه هذي
لاحظ المقررات الدراسيه تظهر لنا جميع المواد نضغط مثلا على مبادىء الرياضيات
مثل الصوره هذي
عند الضغط عليها تفتح لنا صفحه أخرى اضغط على المحاضرات المسلجه والمحتوى
مثل الصوره هذي
وعند الضغط عليها تفتح لنا الصوره هذي ونجد المحاضرات قدامنا
نختار اول محاضره التمهيديه ونضغط عليها
بعد مانضغط تظهر لنا الصفحه هذي
اضغط تنزيل المحاضرات المسجله وحملها على طول
واذا لقيت مرفقات حملها على طول لانها تفيدك من ناحيه الترتيب والفهم
وهكذا بعد ماتخلص من المحاضره التمهديه روح حمل المحاضره الأولى والثانيه
وباقي المواد كلها كذا
ما ابي منكم الا دعوه بظهر الغيب بشفاء والدتي ورحمه الوالد وبرزقي بوظيفه
اخوكم
عماد المالكي (الحطام)