السلام عليكم ورحمة الله وبركاته
اخواني عندي اختي مسجله مع الوالد المهم انا بالرياض وهي بالديره
ارسلت لها النموذج الي طرحه احد الاعضاء الله يجزاه بالخير حق اثبات حاله
المهم يوم راحت للضمان قال ماينفع الا ملون والشيء الثاني ابي خطاب من الجامعه
قالت له التعريف قال لا لان التعريف موجه بشكل عام الى من يهمه الامر انا ابي تعريف
خاص موجه لي شخصيا مثلا [ مدير الضمان الاجتماعي بمحافظة ... ]
من وين اجيب له هالشيء حسبي الله ونعم الوكيل فيه كلمته تلفون رفض يقول
عندنا تعميم على ان المعفين من الرسوم لهم نموذج خاص يطبع من موقع الجامعه
قلت له مافيه بجامعتنا هالشيء قال وانا ماقدر اتحمل مسؤليه اي شيء بالاضافه
على انه ماينفع اني اعطي اثبات حاله الا بخطاب رسمي يفيد الحاجه لمثل هالشيء
بالعربي انسان معقد ادري طولت وانا اشكي لكم لكن من الغبنه والله الي فيني
هالحين اقدر اطلع لها اثبات حاله من اي منطقه ثانيه مثلا من الرياض وهي ملفها بالديره
اعرف ان الوزارت شبكه وحده لكن يوم سألته قال لي من يتحمل مسؤلية هالشيء
اوك شبكه بس لازم يكون المرجع الي يوقع صدق في كلامه وهل احد منكم
وقع اثبات حاله من اي مكان ثاني غير منطقته ؟