من طين ذكرى / شكّـلتني اياديك
واستنبت الموقف بزارين والعاب

ورحت اتشيطن فوق سطحك واناديك
هيّـا / أتحدى / تلحقيني فالاسياب

ورحنا انتسابق والوعد صدر واديك
لكن بقيت اركض تعبت اركض وشاب

طفل ٍ عشق يلبـِس حظوره هقاويك
طفل ٍ شرب معنى الخساره فالاقراب

طفل ٍ يسولفه / الضياع / ويغـنّـيـك
ملامحه غربه / واصابيعه / اغراب

وعلى الكتابه / يابعد / روح مغليك
لا تابت حروفه / ولاهو بعد تاب

يكتب عشان الناس تحتاج تحكيك
لـ جراحهم قبل الأمل يقفل الباب

ويصير لـ الذكرى حمام واتاريك
وانا من عيوني إلى عيونك كتاب