عجزت آتحـاشى باب بيتك وهو مقفول
ولااجي جروحي واحتضنها ولاامرّه

تمادي غيابك ماترك في اليدين حلول
وانا اشوف بسماتك على الباب تتشرّه

علينا الحزن يومه عليك السـلام يطول
اذا الارض صوتك واجب اذاننـا تبـِـرّه

يبـاس المدينه والحنين انتهى مشلول
على ويييين تاخذنـا الحكايات هالمرّه ؟!

تعبنـا سفرنـا ماتبعنـا سوى المجهول
لبسنـا الممـات يجرّنـا الخوف ونجرّه

وانا اللي فـِ مدخل بيتك اليوم مالي حول
وادوّر عليـك فـ كل وجـه وأثر جـرّه

تطاني عيون العابرين و ( من المسوؤل؟ )
سؤال ٍ غرقت : احـاول انسـاه واجترّه

سؤال ٍ سجن بين الحنـايا الربيـع فصـول
لاْ طارت بـه طيوري ولا غرّدت حُـرّه