|
رد: مـــــــاذا ستكتب على جدار الزمــــــن؟؟
لاتنشد العاشق عن الحب وشلون
انشده عن لحظه فراق الحبايب
الحب حلو إن صار بالقلب مخزون
وإليا انكشف دارت عليك المصايب
تصبح حياتك مثل ليلى ومجنون
لاصار خلك عن حراويك غايب
وش لهفة العاشق ليا صار مفتون
في حب من شاف على العبن طايب
تلقاه دايم ضايق الصدر محزون
والمشكله لاصار بالحظ خايب
تشين حاله دون للناس يدرون
ويصير في درب الهواجيس نايب
وإليا لقى صاحبه تلقاه مشحون
يمكن يسوي في لقاه العجايب
معروف مابه شي يوصلك بالهون
والعسر عقبه لين لو منه شايب
صحيح ودك بعضهم مايحبون
او ياجاهلين الحب يكفي طلايب
الحب مااحلى لذته لو يحسون
بس الهوى مابين خايب وصايب
لاتظلمون الحب ياللي تقولون
إن الهوى مافيه غير النشايب
|