اليوم وانا جالسه ادور بكبت أمي كبت الأمم المتحده مابقى ورقه ماهي متواجده فيه

شفت صوره لطفولتي القميله

كانت مع اعز الناس على قلبي اخوي واختي هذولا إلي أكبر مني اخوي بسنتين بس

واختي الرقيقه مالها متخرجه من كلية آداب الدمام تخصص عربي

وكانت قبله انجلش وتوظفت بس ماتحب وظيفتهااا

>> خبركم لازم معلومات إضافيه

الزبده مصورين ثلاثتنا في محل تصوير حاط لنا خلفيه تفططططس ضحك

يعني منظر وش ااقول عنه من كثر ماهو شلخه يعني ماتتصدق تحسه رسمة بزر

مين إلي بيصدق إنحنا كنا هناك بذاك الموقع يعني

بيت زي الكوخ صغير حلو وعلى تل أخضر وحوله سور

وفي الزاويه غنم يزننووون كدا بيضاء

مو زي حقتنا اللحين تحس الخروف عربجي كذا احد مخوفه ومشخبطين عليه ارقام 45 ومدري ايش

المهم اتذكر لبسي شاريته من مذركير هذا المحل لاشفته إلي براشد

يوووووه ذكريااات حلووووووووه اتذكر حركاتي انا واخوي وأختي

المضحك في الصوره وين قووولوا ويين

في قذلتي

اتذكر ساافلة هالقذله المنكووبه

امي تبي تقص لي قذله زي باقي البنات كانوا قابين بالقذل إلي تجيكم من نص الشعر

ولين الجبهه قذلة اليابانيين

ف خوااتي الكبار كانوا يقولون لأمي لااا لاتقصينهاا لها مو حلوه ولا تقصين لها بالبيت ماتعرفين بتجي مايله

أمي حساااااااسه لبى قلبهااا ساعات اقولها يمه احسك مراهقهه

>> عاادي انا وأمي فررري

المهم لززمت وزعلت امي قالت ليييه ما أقص لبنتي قذله

والله مهما وصفت لكم الحواار كيف كان مُثري وجمييل وله معنى ماراح تعيشوون الوضع

وانا جالسه وساكته وشعري كله على وجهي

امي وش سوت تخيلووا

فرقت شعري وخذت نصه ولفيه لفيه لفيه على داخل

وحطي شباصه يعني يزعم أنهاا قذله

قذله من جنبهاا مبيييييييييين انها مو قذله صدقيه خررطي كذبيه

شكلي يضحك قسم مظله تظل وجهي مو قذله

لبى قذلتي بس

ترى اللحين عندي قذله بس طويله لين نص رقبتي

>> معلومه إضااافيه

<< شطحه