2011- 9- 28
|
|
أكـاديـمـي
|
|
|
|
ذهبت اليوم الأربعاء الجامعة للأستفسار عن النتائج !
صباحكم/مسائكم خير جميعاً ..
الله يشهد أني ما أدخرت جهد ..
اليوم رحت الجامعة لعمادة التعليم عن بعد و كلمت سكرتير العميد و سألته - متى نتائج التحويل؟
و قال ما يدري و سويت شوية هدرة معاه و قلتله إذا أنتوا ما تدروا طيب مين الي يدري بعد كلام و هو مطنش و قال عند وكيل الكلية و قلتله طيب وينه هذا و كتب لي رقم المعاملة و تاريخها و مكتوب تحت في الورقة (سري)
و رحت لوكيل مدير الجامعة ما كان موجود و قال السكرتير بعد دقيقة رفع راسه من الجريدة و رد السلام بخصوص ايش هالمعاملة و فهمته و قال قبل اسبوع بعثناها على القبول و التسجيل ,
رحت على القبول و التسجيل وكلمت صالح السيف و قال لحظة و دخل على غرفة و انا انتظرة 5 دقائق و بعدها طنشني و مشى بسرعة , ورحت على مكتب الشؤون الاكاديمية و قالي روح للصادر و الوارد و ظليت انتظر 15 دقيقة و بالنهاية قلتله طيب بس شوفها اذا عندك و شافها قال هذي سرية مو عندي روح لفلان و رحت لفلان و قال مو عندي و في الاخير رحت لصالح السيف مع طابور طويل و قال هذي سرية عند العميد و رحت للعميد و إلا العميد و الوكيل و السكرتير مو موجودين..
و انتظرتهم الى الصلاة و مشيت مع ما ارتفع ضغطي و هلكت ...
يوم السبت إن شاء الله رايح أقلب أبو الجامعة على روسهم الموظفين (أستغفر الله)
سامحوني على الإطالة بس أبي أفش خلقي
|