الحقيقه اكثر المواضيع اللي القاها تتكرر في كثير من المنتديات ان كثير من بناتنا الطموحات والمجتهدات وكذلك ابنائنا الشباب يتقدمون لوظائف اكاديميه ويكونون متأكدين انهم مستوفين للشروط معروفين ايام دراستهم بالجد والاجتهاد وعلاماتهم عاليه ولكن ما يحالفهم وبالمقابل نجد اساتذه اجانب دون المستوى واكبر دليل ما ينشر في الصحف من العدد المهول من الشهادات المزوره لمتعاقدين ولا تزال الجامعات تتعاقد مع اجانب وتدفن ملفات اولادنا وبناتنا في الدروج وما يندى له الجبين ان تلقى احد المتقدمين او المتقدمات يقول انا تقديري ممتاز ولم اقبل بينما قبلوا ناس اقل مني في الوظيفه والتجارب كثيره وانا اعرف شخصيا وحده من بناتنا تقدمت للوظيفه واختبرت 4 مرات ولم تقبل والحوادث كثيره ولكن يا جامعتنا الحبيبه ويا تعليمنا العالي بناتنا واولادنا امانه باعناقكم وكل ما يحصل سوف يحاسبكم الله عليه حينما يطوي السماوات والارض طي السجل ويقول عز من قائل(اين الجبارين؟؟)
وللاسف تلقى ناس يدخلون ويقولون اكثري الاستغفار يا اختي واللي مكتوب لك بيصير او يقول لك في تعليق احتسب الاجر عند الله كنوع من التعزيه وتهدية النفوس!! انا ماني ضد هالكلام وكلنا متوكلين على الله ومحتسبين الاجر وكلن اجره على ربه ومتوكل عليه ومو محتاجين للعزاء والمواساه هم ينتظرون وقفه وكلمة حق ودعاء في ظهر الغيب ولكن من المسؤول عن الالم النفسي اللي يسببه قتل الطموح ومن المسؤول عن خذلان المجتهد اتمنى القى مشاركات في الموضوع بعيدا عن الردود المستهلكه واذا فيه احد له تجربه يذكرها والله يوفق الكل تحياتي