ملتقى طلاب وطالبات جامعة الملك فيصل,جامعة الدمام - عرض مشاركة واحدة - رجاء خاص لجميع الأعضاااء بدون استثناء .. أدخلوا شوي =)

غزيّل الريم · #1 2011- 9- 29

,

السلام عليكم
شخباركم ؟!

بس حبيت اتكلم شوي عن وضع الملتقى هنا .. لاحد يزعل من كلامي وياخذه بمحمل شخصي ..
أنا عضوة مثلكم وتوني مستجدة بس لاحظت إن المواضيع صارت تنزل بشكل خورافي .. ومافي اي ترتيب

مثلاً: موضوع الرقم السري للطلبة اللي ماوصلهم ..
ليه كل واحد يزعل من تأخره يجي ويفتح له موضوع جديد ؟!
انا مااقول لاحد يزعل ولاحد يتكلم ! لكن فيه مواضيع قبلك ..
قبل تنزل موضوعك لازم تشوف اذا فيه موضوع مشابه لفكرتك أو لا !
عشان ماتتزاحم المواضيع وتتكررر !
فيه مواضيع رائعة .. حرام تنظلم وترجع للصفحات اللي ورى
ومايشوفونها الاعضاء ومايستفيدون منها ..

الطلبة المستجدين

أنا منكم مستجدة .. واعرف كيف نحوس بالبداية .. لكن المواضيع المثبتة مهمة ..
وكل استفساراتكم تلقونها موجودة ومكتوبة ومحلولة ..
يعني لو تقرون شوي مابتحتاجون تنزلون لا اسئلة ولا مواضيع ..
والله ان الرقم السري للحين ماجاني بس فهمت كل شي من القراءة ..
وما اضطريت اسأل اي سؤال ..

ملاحظة مهمة جداً :
وصول الرقم السري لا يعني قبولك او رفضك ..
اللي دفعوا وارسلوا اوراقهم .. معناها مقبولين خلاص انتهى موضوعهم
فلا تعصبون وتزعلون على تأخير الرقم السري لأنكم مقبولين خلاص

للاستفسارات الأخرى:

ارسلت بريد .. ماارسلت .. متى أسدد .. ماسددت .. الاسئلة اللي تتكون من سطر .. واجاباتها من سطر
هذي كلها تقدرون تسألونها في موضوع مثبت : [ منك السؤال ومنا الإجابة ]
أهني العضوة حلوة بحركاتي على النشاط الفظيع في هذا الموضوع ..
ماشاء الله عليك .. الله يحفظك .. متواجدة دائماً للمساعدة

تكفون خلوا الملتقى شوي يتسنع بدال الحوسة
بتبدأ الدراسة ونحتاج التنظيم

أخيراً .. أتمنى إن محد يزعل من موضوعي .. دعوة للتنظيم لا اكثر

وسفرة دايمة

.