|
رد: تكفووون أشتري أو مااشتري ؟؟؟!!1
اقتباس:
المشاركة الأصلية كتبت بواسطة في امل
اخوي بحكم تجربتك السابقه ياليت تقول لنا كيفية المذاكره والاعتماد على ماذا هل المحتوى مهم ولازم نكون اول باول كذالك اخوي متى ينزلو ن الجدول تبعنا تبع المحاضرات المسجله هل كل يوم محاضرات لكل المواد او في اليوم محاضره وحده لماده معينه ياليت تفيدنا حدنا محتاسين
|
اختي الكريمه
من واقع تجربتي الشخصيه ...
اولا المحاضرات ... كل يوم جمعه تنزل محاضرة وحده لكل ماده .
الافضل انك تحملينها على جهازك كل يوم جمعه ..
طريقه الدراسه تختلف من شخص لاخر .. ولكن بالنسبه لي
الرياضيات مهم جدا جدا انك تحلين بيدك قد ما تقدرين .. وتشوفين كل محاضره
وتحلين التمارين بنفسك مره وثنتين و3
المحاسبة .. لابد ان تتابعي الدكتور اول باول .. وتشوفي المحتوى
لان المحاسبه فيها نسبة حفظ ونسبة اكبر فهم ..
القانون = كله حفظ .. يعني باختصار نزلي المحاضره على جهازك عشان تاخذين
درجة المشاركه .. اما الدراسه يكفي انك تشوفين المحتوى وتلخصين لنفسك
من كل محاضره وتتركين الاشياء اللي فيها كلام كثير .. بس انتي تلخصين لنفسك
الاداره = نفس الشي كلها حفظ .. يا انك تلخصين لنفسك من المحتوى
او تاخذين ملخص مع ان الملخص هو نفسه المحتوى
الاقتصاد الجزئي : هذا بيله تركيز قوي مع الدكتور .. ولازم تفهمينها محاضره محاضره
لا تعتمدين على ملخص ولا غير ه .. افهمي المحاضره زين .. وتقدرين تعيدين المحاضر ه
كذا مره الى ان تفهمين .. والمنتدى لو شي صعب عليك تجين تسالين ..
في المقام الاول .. لا تراكمين المحاضرات صدقيني تتعبين في الاخر
لازم تخلين لك كل اسبوعين .. مراجعه على المواد اللي فيها فهم
محاسبه ... رياضيات .. اقتصاد
اما بالنسبه للاداره والقانون .. كله حفظ تقدرين تراجعين من وقت لثاني ..
لو مشيتي بجدول لك خاص فيك على حسب ظروفك .. تجين اخر الترم
وتحلين الاختبار بكل بساطه ... لا لا لا تراكمييييين هذا انا اقولك
المصيبه انك تراكم المحاضرات
طبعا عشان تضمنين ... درجات المشاركه ال 30 درجه
! - تحميل المحاضرات
2- الواجبات
3 - المشاركه في منتدى الحوار ... --0-0-حتى لو تكتبين كل يوم في منتدى الحوار
لكل ماده (( شكرا )) وتمشين
عشان تضمنين الدرجه
هذا والله الموفق ’’’
|