ملتقى طلاب وطالبات جامعة الملك فيصل,جامعة الدمام - عرض مشاركة واحدة

عيوش · 2011- 9- 29

اقتباس:

المشاركة الأصلية كتبت بواسطة القطعة المفقودة

سلآآآآآآآآآآآآآآآآم

حبيت استفسر عن المعدل ..
أنا كنت اطمح بمعدل 4 وشوي بس انصدمت بمعدلي بأول سمستر 3,86 من 5
صرت اتفشل لما يجيبون طاري المعدل خصوصا قدام زميلاتي بالمدرسة يستغربون من معدلي ويقولون لي هذا وانتي الاولى عالمدرسة

بسألكم اقدر ارفعه الى 4 ونص ؟؟؟؟؟؟؟

وعليكم السلام والرحمة والبركات
حبيبتي أول شي خوذي نفس عميق وهدي نفسك ، الجامعة غير المدرسة وبالجامعة مستوى الشخص يتغير كثير !!
فشي طبيعي راح يكون مستواك مختلف عن توقعاتك، الي عليك الحين إنك تغيرين طريقتك بالمذاكرة وانسي سالفة إنك الأولى بالمدرسة، بالعربي كذا التهمي الكتب التهام وشوفي البنات الي معدلاتهم مرتفعة ايش يركزون عليه!
كل دكتورة لها مفتاح، اسألي الي آخذين عندها من قبل عن طريقة الأسئلة وهل تجيب من الشرح ولا فقط الكتاب ؟ هل تهتم بالثقافة العامة ولا بس المعلومات المذكورة؟ مقالي ولا موضوعي الإختبار ؟
وشدي حيلك بالبحوث والعروض المطلوبة منك اتقني العمل فيها !
وإذا تبين نصيحتي لا تقولين لأحد عن معدلك ولو صديقاتك، لأن هذا الشي على قولتك "يفشل" ، مع إنه معدلك جميل وما يفشل أبدا ، هذا الشي الي قدرتي تجيبينه هالفصل، لكن الفصل الجاي حتجيبين أكثر - ان شاءالله- فلا تيأسين ولاتناقشين موضوع درجاتك مع أحد خلي هالموضوع بينك وبين نفسك وتحدي ذاتك وبكره ان شاءالله تبشرينا إنه نزلت لك مكآفأة تفوق ...

ربي يسعدك