2011- 9- 29
|
 |
متميز بملتقى المواضيع العامه
|
|
|
|
|
( المجـالس البلديـه ) مفاطيح , وهياط , وعنصريه .. ما أنزل الله بها من سلطان !
السلام عليكم ورحمة الله ..
أخواني حاليا .. وأخواتي لاحقا .. 
أمس كان عندنا مناسبه وصحيت من الصباح ورحت لسوق الغنم أبشري ذبايح
ويوم دخلت السوق ماشفت شي زين أنقرضت الخرفان ماتشوف الا عرجاء وكمخه
سألت الموجودين قالوا : أهل الأنتخابات قشو كل شي "
المهم طلعت بثلاث خرفان بعد مسح المنطقه , وللأسف الأسعار مرتفعه بنسبة
40% بالمئة , بعدها رحت للمطبخ اللي متعامل معه قال لي أنا مشغول وعندي
زحمه وش السالفه .gif "(107)") قال المرشحين فلان وفلان أنا أطبخ عشاهم , بحثت حتى
وجدت ضالتي .. للحين في فمي ماء ..
بعد العصر رحت لأيجار الفرش أبحطه بالأستراحه وتفجأت ولا زوليه موجوده ولا
مركى .. السبب أكيد عرفتوه ..
طيب الحين وش فائدة المجالس البلديه حنا جربنها قبل خمس سنوات ومالقينا لها
أي فائده تذكر والتجربه خير برهان .. تلقى الواحد حاط صوره كيلو بكليو والصوره ديجتل ومكتوب صوتك أمانه , وصل صوتك لتطوير مدينتك كلام فاضي لايحلون ولايربطون , ومن السنع قريت البرنامج الأنتخابي حق واحد منهم شوي وأنت قاعد تقرأ تقول هذا مدير الشؤن البلديه والقرويه وأكبر دليل من شروط المرشح بدون شهادة (أمي) بالله كيف بيجلس مع مدير البلديه والمهندسين , طبعا يأصل عن طريق قبيلته لهذا المكان ويبلشهم ما يعرف الأ صرف صحي وتشجير ..
أضرب وأطرح وبعدها جلسه كل أثنين وأحيانا تؤجل ويأخذ الف ريال ويضرب الباب ..
أتمنى أعادة النظر في الأنتخابات البلديه والرقئ بمملكتنا..
|