السلام عليكم ورحمة الله وبركاتة ..
امتداداً للبيان رقم (1) والبيان رقم (2) والتي تهدف الى نشر الفائدة بين الاخوان
والأخوات ، اليوم اضع بين يديكم البيان رقم (3) واتمنى ان ينال اعجابكم ....
اخواني واخواتي : تجمعنا هنا للفائدة و الكل يبي يفيد ويستفيد وان شاء الله
اكون من اللي يفيدونكم .. المهم بدون مقدمات لاحظنا كلنا ان مشاكل الاخوان
الاسبوع الماضي في البلاك بورد والبرامج المهمة عشان نقدر ندرس ونتفوق ..
طيب يا زملائي وزميلاتي .. شفنا مواضيع للاخوان والاخوات كتبوا فيه اهم البرامج
اللي ممكن نستفيد منها في دراستنـا بس مع ذلك بعض الاخوان لازال عنده مشاكل
طيب وين السبب ؟؟ السبب اننا ماقدرنا نزلها بالشكل المطلوب او بالطريقة الصحيحة
طيب كيف انزلها بالطريقة الصحيحة والمطلوبة ؟؟ اهااا قلت لي كيف ..
في البداية نبي نشوف مشكلة الاخوان اللي يقولون الفلاش مو راكب عندهم ..
خلونا نعرف الفلاش راكب في جهازنـا ولا لا .. تعالوو معي للصور التالية :
كذا اللي يقول ماعنده فلاش ان شاء الله صار عنده فلاش ..
واللي يقول لازالت المشكلة عندي بعرض المحاضرات انا اقول ماتنلام مادامك الى الان تستخدم متصفح انترنت اكسبلور
تعال معي ياصديقي وغير نمط حياتك الانترنتي .. وجرب هالمتصفح الحلو ..
طيب خلونا حبة حبة والأهم ثم المهم .. اهم حاجه عندنا اليوم هي المتصفح
وبصراحه افضل متصفح استخدمته حتى هذه اللحظة متصفح العم قوقل ..
تعالوا نتعلم سوا كيف ننزل عزيزنا قوقل ..
تعالوا للرابط هذا
http://www.google.com/chrome
وتابعوا بعدها الصور معاي .. الموضوع سهل للغاية بإذن الله ..
شفت كيف ياصديقي الموضوع جداً سهل .. جرب قوقل وادخل على البلاك بورد
وشوف الفرق والسرعة بالتصفح ونقل البيانـات .. بتدعي لي صح ؟؟
يمكن 
طيب ياصديقي .. يقولون فيه برنامج اسمه كويك تايم ضروري لعرض المحاضرات
و تنزيلها و مشاهدتها .. وهم صادقين ياصديقي برنامج مهم على حسب علمي ..
طيب خلونـا ننزله في جهازنا عشان يضبط معنـا الوضع ولا يكون في شي نـاقص ..
بالاول نروح للموقع الرسمي لبرنامج كويك تايم :
http://www.apple.com/quicktime/
راح تظهر لنا الصفحة التالية .. تابع الصور ياصديقي ولنا لقاء :
الحين صار عندنا متصفح قوقل وعندنا كويك تايم و عندنا الفلاش وش بقى ؟؟
على حسب علمي و من تصفحي للمنتدى والمشاكل الموجودة فيه لقيت برنامج اسمه
الجـافا ..
أهــاه طيب كيف ننزل البرنامج ياصديقي ابي كل شي جاهز في جهازي
طيب ابشر ياصديقي الحين نشرح لك .. وترى كل الامور سهلة تفضل معي ..
نروح للموقع التالي
http://www.java.com/en/download/installed.jsp
ونتابع الصور مع بعض ..
وبكذا ياصديقي صار في جهازنا اهم البرامج اللي نحتاجها في اجهزتنـا وبدون اي مشاكل
بإذن الله .. وعلى فكرة ترى عارف اني مثقل عليكم بالشرح الممل بس ترى في اخوان
واخوات لنا في المنتدى ماعندهم اي خبرة ..
اتمنى يكون الشرح وافي و واضح للجميع واي استفسار لا يردكم الا الكيبورد ..
مانبي الا الدعوة الطيبة منكم .. بالتوفيق لجميع الزملاء والزميلات
** تقييمك للموضوع وابداء اعجابك يدفعني للأمام لإصدار البيان رقم (4) **
أخـوكم / وطني الجبيل