|
لاجيت ابنسى اتراجع واسامحك
اتمنى انها تعجبكم
لا جيت ابنسى واتراجع واسامحـك
صاحن جروحي واشتكن لي طعونك
كلك خيانه قـول وشلـون ابمنحـك
وش موقفك من شخص دايم يخونك
اكبر خطا.. لو جيت يمك اصالحـك
اول تحـول لاتغـرك .. إلحـونـك
اللي تقوله صح لو كنـت جارحـك
(مير) انت غارق للاسف في ظنونك
وصفك نسيته بس .. باقي ملامحـك
بنهيك وانهي بالنهايـه .. جنونـك
ماتستحق امـد (كفـي) واصافحـك
مثلك غلط عمري وابحيا .. بدونـك
لعبـت دورك شاهـداتٍ مسارحـك
خدعتني واظهـرت خافـي فنونـك
كنت اعتقد قلبي هو ابرز مطامحـك
اللي يبيع الناس .. لجلـه يصونـك
تعبت اسوق الشوق عندك واصارحك
اخلصت لك بالحب شوفـت عيونـك
لكن خسارة صرت غايـة مصالحـك
ياليتني ماجيـت لحظـه .. بكونـك
بالامس كنت بنشوة الحب .. امازحك
اخيـل برقـك واتحـرى امـزونـك
واليوم من صفحة حياتي ابمسحـك
هديت صرحك ثـم طاحـت ركونـك
ولابي عيوني لو تصـورت تلمحـك
اعلنت موتك .. وانسجن لي كفونك
وان جيت تطلب ترتجيني .. اسامحك
بهديك طعنه .. من بقايا .. طعونـك
ودمتـــــــــــــــــــــــــــــــــــــــــــم بوووووووووود
وقولوا رايكم بصراحه
التعديل الأخير تم بواسطة مطيريه منذ مبطي ; 2009- 6- 18 الساعة 08:57 PM
|