ملتقى طلاب وطالبات جامعة الملك فيصل,جامعة الدمام - عرض مشاركة واحدة

ابوخالد2011 · 2011- 10- 2

اقتباس:

المشاركة الأصلية كتبت بواسطة همسـه احسـاس

هلا بك اخوووي ابو خـــــــالد

سوري اخوي مو ع قولتي انا

انا اقولك لو سئلت اي رجال او بنت ليه تحب بيقولك الحب ما يستأذن القلوب

اكييييد كلنا نعرف لو ما في حدود بالصداقه وش النتائج

وعشششان كــذا نطــالب بالحدود في العلاقه حتى بين الاخـــوه

طيب انت تقول ما في صحبه بين البنت و الولــد ممكن اسئل ســؤال

وش علاقتك مع البنات اللي بالملتقى الحييين ...؟

مع اصحاب واخوان ...؟

مو مشاكلنا وحده و خوفنا ع بعض ومساعدتنا لبعض ...

بنظرك وش العلاقه اللي تربط بينا وبينكم حاليا ........؟

تقبل تحييياتي

مهما اختلفت وجهات النظر ما يقل الاحترام

هلابك اكثر

كيف تقولين مو ع قولتي انا ؟
وبعدها تقولين لو سالت اي رجال او اي بنت بتقول هالكلام

طيب انتي بنت واكيد كلامك بيكون مثل البنات

وفيه وحده هنا تسال الشباب تقول لو البنت قالت له انه اعطت واحد صورتها هل يرضى

وش هالبنت الخبله اللي تفضح نفسها
خلاص دامها عارفه انها اخطت وربي ستر عليها وشوله تروح وتتكلم

ومابه احد معصوم من الخطا وكلنا نخطي لكن نتعلم

واختي اميره الورد12 تقول مستحيل يكون فيه حب الا من العائله
اسمحي لي اختي اميره اخالفك بهالنقطه
هالايام الغريب اوفى من القريب
القريب عارف مخراجك ومدخالك ويجيك في اضعف نقطة عندك
لكن الغريب مايعرف عنك اي شي واذا اختارك بيختارك لروحك واخلاقك

همس
تطالبين بانه يكون فيه حدود بالعلاقات
تطالبين مين ؟
عقلك ولا قلبك
اذا عقلك وافق كيف تقنعين قلبك انه يتوقف عن المسير
دامك تقولين ان الحب ما يستاذن القلوب
يعني اذا فتحتي الباب لقلبك فاكتبي على عقلك السلام

يا اختي
ما سمعتي احلام وش تقول
فضها سيره

الحب موجود من زمان لكن النوايا اختلفت
ماعاد فيه امانه
من اول كان الجار يامن جاره
الحين الواحد اول من يخاف على بيته من جاره والله الحافظ

نجي لاسئلتك

تقولين باني قلت مافيه صحبه بين الولد والبنت
ماقلت هالكلام
قلت مافيه صداقه بين الولد والبنت
لان الصحبه يمكن اكون مصاحبك لاجل غرض اطلبه منك او مصلحه على علم الطرفين

لكن الصداقه تدوم واحيانا الصداقه تدوم اكثر من الحب

سؤالك

وش علاقتي مع البنات بالملتقى

سؤال ديموقراطي

علاقتي معهم واضحه وقدام الجميع
اتبادل معهم معلومات واذا احتجت احد لقيته ويجي معها ملعقتين ضحك

ومارحت اسوي لرسائل الزوار اخفاء او حدود

لكن صداقه البنت مع الولد

اتحدى اي عائلة ترضى ان بنتهم تصادق ولد
واذا في امها خير تعلم ابوها ولا اخوها بهالعلاقه

والله العظيم اني اذكر سالفة دكتور مصري بجامعه
يكلم البنات اللي عنده بالماسنجر ويتخرفن على خشته
وغصب عنهم يطيعونه لان الدرجات بيده وخذ لك من سوالف اخر الليل

هذي علاقه جديده اول مره اسمع بها
لاهيب صداقه ولا حب ولا صحبه ولا ابو شي

لانها بالخفيه ..!! بـــالـــخــــفـــــيـــــه

اما هنا بالملتقى

وقفتنا وحده مشكلتنا وحده نحلها مع بعض قدام الكل

لكن خلفها اسماء مستعاره والاداره هنا حاااطه حدوود

الله من واحد صكوووووه باند لانه مرسل ايميله عن طريق التقييم وغيره
الله من وحده انصكت بااااند والله اعلم عن السبب لكن هذي الرقابه

طيب انا بسالك

لو ما فيه رقابه بالملتقى ولا اداره وش تتوقعين نوع العلاقات بتكون ؟؟
وهل صداقه الجوال شي عادي عندك اذا كانت بحدود؟؟
واذا نعم وش حدود الصداقه عندك ؟؟

واخيرا

لكي مني كل التقدير والاحترام ,,,