نفس المكان ..!
نفس الزمان ..!
نفس لحظات العهد ..!
ونفس الليالي
ماتحقّق لي وعد ..!
هذا السحاب .. اللي غشى ضحكنا
والبرد نفسه .. مثل ماضي أمسنا
بنفس المكان ..!
تمضي سنيني .. والليالي سراع
ويبحر حنيني .. والأماني شراع
طفت المواني وآخر الرحلة ضياع
والنهاية ..؟
ماالتقينا .. ! لا ولاقلنا وداع
,
يارحلتي ..! كافي غياب
ياخطوتي ..! نتبع سراب
واحنا على نفس الطريق
نسأل دروبه ولا نسمع جواب
ماغير صوره .. يحركها خيال
وذكرى عجوله .. تمنينا الوصال
على نفس الطريق ..!
ياكثرها دروبك عشيق
,
فيني بقى صوتٍ ضعيف
ينثر أوراق الخريف
شب الأمل واليوم شاب
وكبر الفرح بالعين ذاب
حتى صدى جوفي الوسيع
بأقرب مدى دايم يضيع
ومدري إذا عدّى شتاي
هو للنظر باقي ربيع ..؟
أو تنطفي ...!
بنفس المكان ..!