2011- 10- 3
|
#47
|
|
مراقبة عامة سابقاً
|
رد: معدل من 4 االى5
اقتباس:
المشاركة الأصلية كتبت بواسطة لهفة دراسة
شفت رد بالمنتدى جداً مفيد ...
تماشيا مع رغبتهم واللي هي رغبة جميع الطلبة للمستوى الأول في معرفة طريقة سهله تساعد في الحصول على اعلى الدرجات سحبنا طالب من الطلبه وقلنا له يكتب تجربته في المستوى الاول ويعلمنا كم حصل عليه علشان نعتمد طريقته بدون تردد :
------------------------------------
الطالب كان اسمه : غريب
معدله للمستوى الاول : 4.95 من 5
طريقته :
----------------------------------------------------------------------------------------------
- مقرر الرياضيات لا تشتري كتاب
ركز على المحاضرات وبعد ماتخلص المحاضرة ارجع وحل امثلتها بدون ماتطالع وان غلطت راجعها وكرر الحل وان خلصت في نهاية كل مخاضرة تمارين عليها حاول تحلها والدكتور راح يحلها في بداية المحاضرة اللي بعدها ان طلعت اجاباتك صحيحة اختم على المحاضرة وانقلها للارشيف وابدا في اللي بعدها بنفس الطريقة وان كان فيه اخطاء راجعها وامش على كذا في كل محاضرة
وهي كلها 14 محاضره وراح تكون المحاضرة رقم 14 عبارة عن تمارين مراجعة للمنهج ولاسئلة الاختبار
----------------------
- مقرر المحاسبة :
نفس الكلام 14 محاضرة الاخيرة منها مراجعة على طريقة اسئلة الاختبار
وش اللي فيها المحاضرتين الاولى تتعرف فيها على مفاهيم محاسبية يعني كلمات خاصة بالمحاسبة ( لغة محاسبية ) وبعدها تبدأ تتعلم كيف تكتب القيد المحاسبي الى نهاية المنهج يعني المنهج مترابط اذا مشيت على المحاضرات وتابعتها وفهمتها وحليت امثلتها وتمارينها راح تكون عندك سهله جدا ولا تنسى ان فيه مقررات قدام تعتمد عليها (انصحك تشتري كتابها وله كتاب ثاني حلول تمارين الكتاب )
يعني تتابع المحاضرة وتفهمها وتحل امثلتها وتمارينها وتصحح لنفسك ولا تنتقل للمحاضرة اللي بعدها الا بعد ماتفهمها مضبوط ( يعني تعتمد على المحاضرات ومحتواها وتمارين الكتاب )
------------------------
مبادىء الادارة : لاتشتري كتاب كله نظري اذا قريته اول باول وطبقته على وافعك خصوصا اذا كنت موظف راح تفهم الافكار اللي فيه بس مثل ماقلت لك نظري يعني لا تخليه يتراكم ذاكره من المحتوى .( اعتمد على محاضرات الدكتور ومحتواها )
--------------------------
القانون : ركز على ملخص محمد ابو موزة تراه جامع فيه بين المحتوى من المحاضرات ومزود النقاط المهمه من الكتاب يعني ماله داعي تاخذ الكتاب لاني اشتريته قبلك وشيكت على ملخص ابو موزة لقيته شامل .
------------------------
الاقتصاد الجزئي :
اذا درسكم نفس دكتورنا الله يعينكم والكتاب قليل اللي يفهمون منه ركز على المحتوى والمحاضرات واذا مافهمت
عليك بثنتين تساعدك :
1- تبسيط هاني عرب راح يقرب لك الفكرة ويحببك في المادة .خصوصا للخمس الفصول الاولى .
2- افتح اليوتيوب واكتب الاقتصاد الجزئي بتلاقي محاضرات لدكتور سعودي شايب يدرس نفس المقرر لطلاب جامعة الامام تراه ساعدني كثير بشكل ماتتصور خصوصا شرح المنحنيات مع اني مااخذت عليه اكثر من 5 ساعات لاني مااكتشفته الا متاخر مابالك انت الحين عندك خبر عنه من قبل لاتبدا الدراسة
-------------------------
نصائح هامه :
1- بتلاقي ملخصات كثير لا تاخذها كلها وتضيع
اختار لك واحد يعجبك تنظيمه وطابقة على المحتوى اللي ينزل في المحاضرات وبتلاقي صاحب الملخص كاتب ملاحظه انه ملخصه من الكتاب والمحاضرات هذا اللي اعتمده في مذاكرتك وبس .
2- جمع اسئلة الاختبارات على قد ماتقدر وبما انها اختيارات لا تكتفي بجواب السؤال وبس شوف باقي الخيارات وشوف وش ممكن يجيب عنها اسئلة لانه في الغالب اسئلة الاختبارات تركز على النقاط الهامة في المقرر وتعطيك فكرة عن اسلوب الدكتور خصوصا اذا كان نفس الدكتور وتريحك نفسيا لانك تحس انك غطيت المقرر .
3- اياني واياك تهمل واي مشكلة تواجهها من صعوبة او استفسار اطرحها والاعضاء ماهم مقصرين مع احد ان شاء الله
----------------
قبل الاختبارات باسبوع ذكرني اعطيك طريقة الحل في الاختبار تخليك تطلع باكبر كم من الدرجات باذن الله
-------------------------------------
بالنسبة لتقسيم 100 درجة لكل مقرر على النحو التالي :
---------------------------------
10 درجات حضور :
1- مشاهدة او تحميل 15 محاضرة مسجلة في البلاك بورد ( تمهيدية + 14 محاضرة )
كل اسبوع راح ينزلون محاضرة .
2- مشاهدة أو تحميل 3 محاضرات مباشرة عن كل شهر محاضرة راح ينزلون موعد كل محاضرة في ايقونة الاعلانات في بوابة الطلبة والهدف منها الاجابة عن استفسارات الطلاب .
واذا ماقدرت تحضرها راح ينزلونها بعد كذا مسجلة ودرجتك محسوبة في حال المشاهده او التحميل .
---------------
10 درجات واجبات :
3 واجبات عن كل شهر واجب تلاقيها في ايقونة الواجبات بالبلاك بورد
لكل واجب عدد محدود من المحاولات لكذا لاتستعجل في حل الواجب على البلاك بورد
حله في ورقة خارجية وتاكد من حل زملائك في المنتدى وبعدين اعتمد حلك في البلاك بورد وراح تظهر لك النتيجة مباشرة
----------------
10 درجات المشاركة :
مطلوب من كل طالب على الاقل 14 مشاركة فعالة ( مفيدة ) في منتدى الحوار بالبلاك بورد وحاول تبتعد عن عبارات الشكر لان اللي يحسب الدرجات الكمبيوتر والجامعة علشان كذا حاول تكون مشاركتك تتكلم عن مواضيع دراستك او حل تمارين
--------------
70 درجة للاختبارات :
الاختبارات جميعها اختيار من متعدد
بعض المقررات 70 سؤال وبعضها 50 سؤال
|
روعه .. بس ممكن اختي تسئلينه او تسوين اقتباس نقدر نسألة عن الدكاترة اذا هم نفس دكاترتنا ولا لا ..
وربي يوفقنا جميعااااااااا 
|
|
|
|
|
|