|
رد: شكرآ لـ حآفز فقد تكفل لي بوظيفة يغبطني عليهآ الجميع ..!!
اقتباس:
المشاركة الأصلية كتبت بواسطة ابوخالد2011
اولا الشغل مو عيب اخوي
استر نفسي بحارسة امن وبقاله ووو
احسن من يستغلوني ويستغلونها اصحاب المخدرات
صح ولا وانا غلطان ..
والاجنبي يا قلبي
يجي هنا يرضى براتب 1500 ويحس انه ملك
وبعد 10 سنين تلقى راتبه 7 الاف
لكن بخلال ال 10 سنين دور عليه غياب ؟؟
احنا يالسعودين الله يحفظنا من كل شي
نداوم اسبوع ويومين الله بالخير
وانا اعرف يماني اول ما اشتغل كان يسوق شيول براتب 1200
بعد 20 سنه واعرفه معرفه شخصيه الحين يملك اسطول شاحنات
العمل يبيله تنازل ورضى
والله يوفقنا ويوفقك ويوفق كل مسلم ومسمله
|
اخوي ابو خالد انا بقولك حاجه بخصوص الشيول والتريلات طبعا السواقين راتبهم ترى 4000 ريال
في الشيول يوميته لاتقل عن 750 او خلنا نقول 500 وهذا متاكد منه
واما مسأله عدم غياب الاجنبي تدري ليه لانه بوظيفه وراتب تستاهل انه مايغيب ويضيعها
لما ياخذ 6000 في بداية مشواره ليه يقزرها غيابات ويضيعها بينما السعودي ياخذ 1500 او 2500
هذه وش تسوي له وكيف تبغاه يحب عمله ويداوم مثل الناس وهو عايش بهم وقهر كيف يصرف
على نفسه وعلى اهله وكيف يتزوج ويفتح بيت وكيف وكيف وكيف وبعدين قبل لاتطلب من الشعب
تنازل هل انت عندك استعداد تتنازل يعني اذا كنت موظف عندك استعداد الان تقدم استقالتك
وتحط صوره منها وتشتغل مثلا بمطعم والا نقول حارس امن وتجيب ورقه التعيين لنا طبعا مستحيل
مو بس انت الكل راح يقول مستحيل اسويها لان الواحد ماصدق يلاقي وظيفه زينه يتركها
ويروح لوظيفه اي كلام يعني شئ غير منطقي وخلك واقعي ...
مسأله انو يستغلني مثلا اصحاب المخدرات ليه يستغلون الواحد اذا كان كل شئ متوفر عندنا
وظيفه زينه وفيها راحه وراتب يناسب الوضع والغلاء وصعوبه المعيشه لما واحد مثلا متخرج
من الثانويه العامه وراتبه 6000 ريال تعتقد اصحاب المخدرات يقدروا يستغلونه ؟
ولما واحد راتبه 1500 اعتقد سهل استغلاله صعوبه ظروفه ووضعه لاتقارن بين الموظف والغير موظف
اعتبر الكل موظفين لكن باختلاف الراتب وحطهم بوجه مقارنه وشوف تجار المخدرات مين يستغل
من باب نوع الوظيفه والراتب وليس للشخص نفسه مثل الطمع والضعف وغيره لا
تكلم من باب الراتب وقلي من يستغله التجار بسهوله
اي على فكره تدري ليه البنغالي والباكستاني يرضى براتب 1500 لسببين الاول لان ماعنده شهاده
يصير مدير علينا والسبب الثاني انه ببلده ياخذ راتبه وقدر 30 ريال فا طبيعي 1500 مثل الذهب عنده
في بلدي وياخذ كل خيري ويرسله لبره
|