2011- 10- 3
|
 |
صاحب مدونه متميز
|
|
|
|
|
ليت الغياب إن طال ...
ليت الغياب إن طال يلقى معاذير
وكل الزعل تمحيه منك أبتسامه
ياللي غيابك زاد وأشوف تقصير
وصلك غدى بين الزعل وأحتدامه
ما تدري إنك يالغلا داخلي غير
قلبي عطاك مع الزمان أهتمامه
حبك كبر حتى زهاء فالتفاكير
وفعيوني لحبك غرام وعلامه
وفلساني أسمك ضمّنته التعابير
تطري على العاشق وهو في منامه
أسوق لك عمري على الشر والخير
وكل الدروب اللي تجيبك سلامه
الصعب في دنياي من شأنك يصير
أقولها والصدق ثابت كلامه
تعال والدنيا لعينك نواوير
والكون غنّا من جنوبه لشامه
مدهالك بقلبي ولا فيه تأخير
ومقابلك للروح عندي كرامه
فعيونك النجلاء سيوف وطوابير
والموت وأمواج البحر والقيامه
وفي شفّتك لغروب الايام تصوير
مثل الشفق لاضم صدر الغمامه
وصوتك ترانيم الدلع فالمزامير
يذوّب أسماعي بلذة غرامه
لا يابعد كل البنات الغنادير
لا تذبحين الحال وأنتي مرامه
إن كان لك شرهات جتك المعاذير
وتعال وأرسم للحياه ابتسامه
لعلها ترتقي لذائقتكم
لا أسمح بنقلها
alsho0oq
|