أخواتي طبعاً تعرفون إنه من مذهب أهل السنة والجماعة : عدم القطع لأحد بجنة أو نار إلا من شهد لهم الرسول صلى الله عليه وسلم بذلك ، فالمفروض في المنتدى الي قريت فيه هالكلام رد عليه أحد الله يهديه لنفسه وفهمه هالكلام ، مهما نشوف من معصية أو فسق على إنسان ننكره ونحاول تغيير المنكر على قدر استطاعتنا ، لكن مانفتي من أنفسنا ونقول هذا بيروح الجنة وهذا بيروح النار ، وأنا برد على هالمصري : مستحيل يؤلمك الي شفت أكثر مما يؤلمنا حنا النساء في الحليج بشكل عام ، الوحدة ياأبو ياأخو يازوج ياولد هالي تتكلم عنهم ولا على الأقل ابن بلدي ، شئ موجع ويسمم البدن صح ؟ بس كان المفروض بدل ماتتكلم بلسان يقطر حسد على رحمة ربي الواسعة ، أقول هذا الشي لأني ماحسيت فيك غيرة على دينك ، لو تغار كان حاربت المنكر قدر استطاعتك ، ليه مانصحت ( رب تائب على يديك يكتب لك أجرة ) ولا خايف على الفلوس الي تجي منهم والبقشيش ، ترى حتى انت تأثم لأن لك دور في إيصالهم لمبتغاهم ، ماتقدر ؟!! من الأساس كنت تقدر تقول : آسف ماأوصل للأماكن هذي ، والرازق الله ، وعلى فكرة لما قلت ماراح يدخلون الجنة أثمت فيهم وتعديت على إرادة الله وقد يكون لهم حق عليك يقتصونه منك يوم القصاص إلا أن يعفوا هم عنك ويصفحوا ، في حين أن زناهم ذنب بينهم وبين ربهم إذا تابوا إن شاء غفر لهم وإن شاء عاقبهم ، ختاماً أسأل الله لك الهداية الرحمة والمغفرة لجهلك بالحكم الشرعي ، وأسأل الله الهداية و الرحمة والمغفرة لمن تكلمت عنهم ، وأسأل الله الهداية والرحمة والمغفرة لي وللأخوة والأخوات القراء ، والله من وراء القصد .
آمل ممن يستطيع نقل ردي هذا حتى يصل للمعني ، وأبيح نقله لأي أمر مشابه .