هنا صوت الشعر يتحدث .. كيف لا وانتم هنا .. وفي ضيافتها أيضاً .. !
عمل جبآآر لا أملك حياله الا أن أصفق له ب إعجآآب ..خصوصاً أن كل رأي هنا .. كان خلفه من هو أهل لذلك .. فهنيئاً لنا بوجودهم بيننا ..
.. ..
إسمحوا لي أن أخلع رداء اللغة قليلا ..
وأستأذن أصحاب الشأن مستبيحاً عذرية هذه الابيات اللتي استوقفتني , خصوصاً وهي معنونة / بمحاولة .. !!
رغم انها أبيات أقل مايقال عنها ان خلفها نفس شاعر متمكن من ادواته بشكل جيد .
اقتباس:
المشاركة الأصلية كتبت بواسطة b.alasmari
 << بيحاول |
اقتباس:
المشاركة الأصلية كتبت بواسطة b.alasmari
عز الله اني بغيابك منشغل بالي .. و البدر ما يفقد الا من كبر صيته
و عز الله انك الأول منت بالتالي .. و انت اول انسان قلبي صاير ٍ : بيته
يا ليت تدري بعد فرقاك وش جالي .. و ياليت تدري وش اللي فيّ سويته
اجلس مع الناس لكن خاطري سالي .. و آسج و الصدر تتزايد تناهيته
و الله لـو طيفـه الغالي يـورالي .. ان اتبع اخطا الذي من قلب حبيته
ولكم الشكر مقدما .. << 
|
لو جينا لابيات الشاعر الاسمري وحاولنا نفصل فيها شوي .. عشان المهتمين بهالموضوع تكون عندهم خلفية ويستفيدون منه .. بتكون ابياته خير مثال على ذلك ..
أول شيء بنشوف الوزن :
طبعاً شاعرنا الاسمري متمكن جدا من هالناحية .. وهذا شيء نقدر نستنتجه من اول مرور لنا على هالابيات .. سواء من خلال قرائتها للناس المتمكنه .. او من خلال تلحينها للناس اللي محتاجين يتاكدون أكثر ويفرقون بطريقه اخرى غير القراءة والاستماع ..
طبعاً فيه أكثر من لحن ممكن الشخص يلحن عليه ابياته ويتأكد منها أكثر وهذا شيء بديهي للجميع لكن بما اننا بهالابيات فمجرد أنك تركب هالكلمات على لحن :
وصيت قلبي عليك .. راح تكتشف وانت ترددها بأن الموضوع ماشي معك صح وكأن هاللحن وجد خصيصاً لهالابيات وبكذا راح نعرف ان هالقصيدة سليمة من ناحية الوزن بشكل لاغبار عليه .
نجي الان للقافية :
طبعاً القافية كما هي معروفة .. الاحرف اللي ينتهي فيها كل شطر ..
فيه من الشعار من يلتزم بحرفين وفيه من يلتزم بأكثر من ذلك .. وفيه من يكتفي بحرف واحد وهو اضعف الايمان ..
بأبيات الشاعر الاسمري .. التزم الشاعر بأكثر مما هو مطلوب منه .. وهالشيء راح نشوفه .. ونقدر نسمي هالالتزام من الشاعر باستعراض قوى .. ودليل تمكن بشكل واضح .. خصوصاً ان العادة جرت أن الالتزام يكون بحرفين وطبعاً هالشيء مايعتبر من الثوابت .. يعني بامكان اي شاعر انه يزيد حسب قدرته .. ونقدر نقول هنا ان الالتزام بحرفين هو الحد الفاصل بين المحاولة والتمكن من ناحية القافية
نرجع لابيات الاسمري ولو أخذنا هالبيت من قصيدته ..
عز الله اني بغيابك منشغل بالي .. و البدر ما يفقد الا من كبر صيته
راح نشوف انه بالشطر الاول التزم بثلاثة أحرف اللي هي أ / ل / ي .. والشطر الثاني أيضاً ثلاثة أحرف ي / ت / ه
ولو استعرضنا بقية الابيات راح نشوف ان الشاعر التزم بالثلاثة أحرف الاخيرة في كل شطر .. وهالشيء طبعا راح يخلينا نتأكد أكثر وأكثر ان هالابيات أبعد من انها تعنون .. بمحاولة .. !!
ويعطينا شعور أكبر بأن أخونا الاسمري .. شاعر جميل يستحق الاحتفاء به
فكرة الابيات وموضوعها الابيات :
طبعا هالشيء مهم جدا في كتابة الشعر .. وأنا راح اتكلم فيه بعيداً تماما عن أبيات الشاعر الاسمري .. وانا أعتبر هالشيء حد فاصل بين الشاعر والمستشعر ..
وبغض النظر عن سلامة الوزن و القافية .. اذا ماكان ل هالاشياء اطار جميل يحتويها تاكد انها راح تكون عديمة الفائدة .. لان أبسط الاتقان .. هو اتقان الوزن والقافية .. وتبقى فكرة الابيات وموضوعها من اصعب الاختبارات لاظهار الشاعرية الحقيقيه
ومن المهم ان الشخص يكون عارف .. ان الفكرة كل ما ماكانت ذات معنى ومترابطة ومتسلسلة الاحداث كل ماكانت الابيات اقرب في الوصول للاخرين ..
وكل ماكان الشاعر حريص على اختيار مفرداته بعناية كل ماكانت القصيدة اكثر جمالاً ..
ومثل هالاشياء ممكن تختلف من شخص لاخر وممكن تخضع للفروق الفردية بين الاشخاص وايضاً تأثير البيئة على الشخص ممكن يكون له دور بهالموضوع
لكن انا متأكد ان الشيء الحلو راح يفرض نفسه سواء كانت القصيدة تقليدية او حداثية .. لذلك كل ما إلتزم الشاعر بشيء واضح كل ماكان اسهل له في بداية مشواره .. خصوصاً ان القصيدة راح تجر قصيدة وهكذا .. حتى يكون راضي عن نفسه شعرياً .
طبعا بالاخير مااقول الا صح الله لسان الشاعر على هالابيات ..
اللي ماكانت تحتاج لنقد بقدر ماكانت تحتاج لتسليط الضوء عليها وتكون خير مثال لمتابعي الموضوع هنا , سواء من ناحية الوزن او القافيه او الفكرة او تسلسل الابيات وترابطها .
وسلامتكم جميع ..
أستسمحكم الان .. سأرتدي ردائي ..
أعتذر لقلوبكم لكل هذا الوقت .. هنا كان الحديث ذو شجون ..كيف لا وأنتم هنا ..
للجمال نصيب فكان للشعر ذلك أيضاً ..
لذا عذراً لكل شيء .. أتيت لأستفيد كحال البقية لاأكثر .. وشدتني محاولة .. فالغفران منكم
مهآ لن أتحدث كثيراً .. قدمت لا لشيء .. ولكن .. أنتي تستحقين الكثير وربك ..
كوني بخير ل أجلنا .