|
رد: مين راح يبتدي يذاكر معايا
اقتباس:
المشاركة الأصلية كتبت بواسطة هادي الحدادي
والله جد محتاسين الحين انزل ولا اتابع المحاضرات ولا احل الواجبات ولا اشارك
وما يمديك تنزل محاضرة الى والثانية نازلة يا ربي وش الحل
مثل مقرر اول اسبوع نزل تقريبا عشر محاضرات صاحي ذا |
لا تحتاس ولا شي أخ هادي ،، شوي شوي بتفهم وش الوضع وتتعود عليه ..
وش رايك تبدا من بكره تمسك كل المواد الموجوده في البلاك بورد ،،
وتحمل المحاضرة التمهيدية والأولى وإذا يمديك والنت كويس حمل الثانية بعد ،،
المحاضرات التمهيدية تقدر تسمعها كلها بيوم واحد وتفهم وش تتكلم عنه كل ماده ،،
ووش يطلبون منكم الدكاتره ،، وبعدين في يوم ثاني تمسك مادتين أو 3 إذا في إمكانية ووقت ،،
وتسمع المحاضرة الأولى وتفهمها وتلخصها ،، وفي طريقة ثانية بعد في مواضيع تحمل منها ،،
ملازم لكل مادة ،، وبعدين تمسك تسمع المحاضرة وتتابع الملازمة ،، إذا في خطأ تعدله أو
تزيد ملاحظاتك الخاصة ،، أو تكتفي بإنك تسمع المحاضرة وتشوف المحتوى حق المادة
إذا خايف تضيع أو شي ،، وتعيد المحاضرة لين ما تشوف نفسك فهمت ..
وثاني يوم تمسك مادتين غير وعلى هالموال لين ما تلحق المحاضرات اللي فاتتك ..
والواجبات ما بعد نزلت وأتوقع المناقشات نفس الشي .. وأي شي يصعب عليك
إسأل وإن شاء الله الكل يساعد وما يقصر أتمنى أكون أفدتك ..~  ^^
|