مســـاءكم عطر ..

اليوم كان عندي موعد بمستشفى ارامكوو ..




فديت ابوي .. مستأذن من الدوام لجل يوديني ..

وبعد ماخلصنا من ازعاج المستشفى .. رجع يداوم ..

ياجعل عيني ماتبكيه .. والله ما اطلع من جزااااه لا انا ولا اخواني ..

:
هذي صوره لـ ابوي وهو يسوق .. لبى قلبه



وانا رايحه جايه اسوي تحاليل .. طرحتي بدت تنفك ..

قلت لـ موظفة الاستقبال .. وين دورة المياه (وانتو بكرامه) ..

تقول روحي سيييييييييده ولفي يمين

رحت مثل ما قالت لي .. ويوم اوصل احصل جدار >من الاساس مافي لفه يمين

واروح اسئل وحده ثانيه .. قالت تحصلينه بإنتظار النساء .. واروح واحصل غرفه

متر بمتر .. ومافيها دورت مياه

بغيت اطلع .. واصرخ بصووت عالي اقول (ويييييييييييييييين دورات المياه حقتكم)

بس تعوذت من ابليس وقلت يابنت هانت .. شوي وانتي بالبيت ..

يوم خلصت الموعد .. وانا احصل سكرتي .. قلت بجرب حضي يمكن يطلع فيه خير

قلت له .. لو سمحت وين دورات مياه النساء ..

قالي روحي من هنا سيييده .. ولفي يمين تحصلين اخر الممر ع اليسار

وانا بالطريق قلت ان ما حصلته بدعي عليه

بس الحمدلله .. حصلته .. عدلت طرحتي وغطاي وطوول الطريق وانا ادعي له

(يااااااارب مثل مافرج عني .. يارب انك تفرج عنه كل ضيقه وتسعده دنيا واخره)

موب ذووليك .. مايعرفون يمينهم من يسارهم

/

و الوكااد بعد مارجعت البيت .. سويت لي المشروب السحري ..



وقعدت اسولف مع اخواني .. وهم بعد يحكوني عن اللي حصل بالمدرسه .. (كل واحد يهايط شوي )

بعدها تغديت .. شرائح كيوي .. (ترى تنحف )