|
رد: تجمع بنات الفيزياء لجميع المستويات
ملخص اليوم :
اليوم ماعندي الا محاضرة حديثة ساعتين وكانت المحاضرة حلوة بس زي ماقالت الدكتورة المنهج مترابط ولازم نكون مذاكرين هاذي مشكلتي اني ماذاكرت امس يبيلي  عشان أتأدب 
قعدت على البحث اللي طلبته واخذ مني وقت طويل بس حسيت انه نفعني شوي في المشاركة واصلا المنهج صاير كأنه تاريخ وفيه أشياء خيالية حتى الدكتورة مو مستوعبتها .gif "(107)")
ووحدة من البنات ماشاء الله عليها عطتنا فكرة حلوة للنشاط اللي تبيه الدكتورة ان كل مجموعة تسوي مجلة عن الفيزياء الحديثة وكلنا وافقنا عليها.gif "(204)")
بس تفاجأنا لما الدكتورة قالت بتعطينا المحاضرات اللي عندها وننقلها منها وفيه شي مافهمته عليها يخص هالموضوع 
على العموم قالت بتخلي هالفكرة في راسها عشان اذا الدكتورة قالت شي جديد يخص هالموضوع تتكلم البنت وهي مطمنة ان البنات موافقين عليها 
وحتى الدكتورة احسها محتارة في توزيع الدرجات وعلى ايش تخليها بالضبط كل محاضرة تقول شي يالله إن شاء الله نوصل لشي يكون في صالح الجميع
بعدين قعدت فاضية ورحت أشوف التسجيل اللي مسوينه نادي ديم وايش برامجهم وكذا بصراحة افكارهم حلوة ماشاء الله عليهم 
ورحت اشوف اعلانات قسمنا الجميل لقيت اعلان عن فتح شعبة اضافية لمعمل الأطياف والنووية اللي يوم الإثنين حق اللي عندهم تعارض 1
وتخيلوا الوقت اللي حاطينه من 13:30 إلى 16:20 أنا في البداية تخرعت فكرت انه للكل بس سألت عنه قالوا بس اللي عندهم تعارض هذا اذا فتحت المعامل .gif "(269)")
الله يخليهم يفتحون المعامل قريب  
و لا تنسون واجب الحديثة  والكلام مو بس للعضوات حتى الزائرات بعد
|