2011- 10- 5
|
|
أكـاديـمـي فـعّـال
|
|
|
|
|
بخصوص تخوف الاخوان من تراكم المحاضرات .. لاتقلقون في حل ..
السلام عليكم ورحمة الله وبركاته
صباح الخير على الجميع ..
طبعا بعد ما فتح البلاك بورد اغلبنا انصدم .. وانا اولكم .. لقيت محاضرتين قدامي في كل ماده
2x5 = 10 محاضرات والحين نزلت 5 محاضرات يعني مجموعهم 15 محاضرة ..
اتمنى من الاخوان عدم الاستعجال في سماعها بدون تركيز يكفي الواحد منا ياخذ محاضرة كل يوم يستمع لها ويقراها من الكتاب او التلخيص ويستخرج النقاط اللي يشوف انها مهمه بالنسبه له ..
ولا تنسون عندنا تقريبا اسبوعين اجازة عيد الاضحى .. يعني الاسبوعين هذي مابتنزل فيها اي محاضرة ( على حسب اعتقادي ) الاسبوعين هذي بنقدر اننا نمشي مع الحاضرات .. يعني ماتبدأ الدراسة الا واحنا ماشيين مع الجدول بالتمام .. فلاحد يتخوف يا اخوان ..
انا احس اغلب الاخوان الموجودين متخوفين بزياده .. يعني لو سمع واحد قال ان الماده الفلانيه صعبه .. على طول جاله احباط ولا تثبيط في عزيمته ,,,
المفروض كل واحد فينا يجتهد ويسوي اللي عليه .. وربك مابيخلي احد .. كل مجتهد بياخذ نصيبه ..
الركاده زينه .. ومحاولة تخصيص وقت وتخصيص مكان ملائم للمذاكره بيساعدنا كثير على تجاوز المرحله هذي ..
اول سمستر دائما صعب بحكم ابتعاد اغلبنا عن الدراسة من فتره
ثانيا يوجد بيننا من هو متزوج وموظف وكل شخص عنده ظروف خاصه ... فلننظر باننا افضل وضع من اغلب الموجودين ونحاول ان نساعد بعضنا ولو بالكلمة الحسنة ...
اشكر اخواني المشرفين بصراحه على مجهودهم الجبار ... اشكر اخوي وطني الجبيل الذي اثرى المنتدى ببياناته
ويعطيكم العافيه يارب والله يوفقنا وياكم
|