غالبا.. كمسلمين و بالأخص سعوديين تربيتنا و الكلتشر اللي احنا عايشين فيه يأثر بشكل كبير على حكمنا او نظرتنا لأي موضوع ..
بس لو شوي خلينا هالكلتشر على جنب و فكرنا فيه بطريقة محايدة نوعا ما .. بتتغير النظرة ..
بصراحة احنا مو كل شي نسويه بحياتنا متأكدين ان هو حلال او حرام.. غير ان احيانا نسوي اشياء نعرف مليون بالمية انها حرام
بس ببساطة ماهي كبائر و مو مأثرة على اعتقادنا.. أوكي صح المفروض نتجنبها .. بس الواقع يقول ان احنا مو متجنبينها ..
سو ذا اللي مسوين لي هيصة و زمبليطة و يقولون راح الدين و مدري وشو .. الحين انتو كل تصرف تسوونه متوافق مع الدين !!
انظروا لها نظرة محايدة شوي !
في كل مكان في الدنيا فيه صداقات بين الرجل و المرأة الا بالخليج او السعودية تحديدا !!
هل معني كذا ان كل هالدنيا منحلين أخلاقيا و احنا البلد الوحيد اللي صح !!
احنا بالسعودية ما في صداقة بأي طريقة لأن مافي اختلاط أصلن .. سو مالها معني و بتكون مسخرة علاقات العيال مع البنات
لكن لو كنا بدولة ثانية .. مثلا أنا الحين أدرس بجامعة مختلطة .. و دايما يكون عندي بروجكتس اسويها مع قروبز .. ما أقدر أعزل نفسي ! الولد يكون ماي بروجكت ميت .. لازم أكلمه و يكلمني و كذا و مرات العلاقة تتقوى شوي..
و كلهم أمريكان ! ما يستوعبون فكرة ان ما ينفع يتكلمون مع بنت و ما اعرف ايش.. بالعكس.. أنا اشووف ممكن يكون في صداقة .الواحد لما يسافر برا يدرس .. ما يقدر يعزل نفسه من المجتمع ! بالعكسس هو رايح يخالط ناس ويتعرف على عادات ناس.. و يعيش مع أهل البلد نفسهم ..
و خلونا واقعيين .. امريكي ولا سعودي كلهم بالنهاية رجال .. سو انا مرة ينرفزني اللي تنكت و تضحك مع امريكي واذا جا السعودي حتى السلام ماترد عليه ! طيب بكيفها في قريح ! بس لا تنتقد البنات اللي عادي عندهم و هم طبيعتهم اجتماعيات مرة !
باختصار لما الواحد ينحد انه يتعامل مع الجنس الاخر و يعيش في بيئة الشي هذا مرة عادي و مقبول جدا فيها طبيعي ان تتكون صداقات مع بنات و عيال من هالبلد .. و بالعكس ما اشوف فيها شي ابد !