ملتقى طلاب وطالبات جامعة الملك فيصل,جامعة الدمام - عرض مشاركة واحدة - جميع التخصصات يومي الجميل بالكليه وبنات المصلى الذين كانو القشة التي قصمت ظهر البعير اللي هو ظهري طبعاُ =(

غربه · #1 2011- 10- 6

السلام عليكم ورحمة الله وبركاته

صبآح يوم الاربعاء الموافق 5 اكتوبر ~> نوثق بمصداقيه باليآ الله قمت مانمت غير 4 ساعات ومصدعه مزكمه حلقي يعورني حالتي حآآله وجريت نفسي وركبت الباص اللي ينآقز مره ويطير مره ~> متهورين ذا البنغاليه .. وانطلقنا للجبيل وكل وحده من بنآت الباص اخلاقها قافله ~> لأن الباص فرن ~> تدرون شالو الستاير والتظليمه زي اللي يقولون [مو كافي عليكم المشوار والمطبات والغربله ذوقو زياده ] المهم مالكم بالطويله وصلنا الكليه في تمام الـتاسعه والنصف وفي الاستقبال موظفات الأمن البشوشات اللي شالونا من ارضنا ورحبو فينا لدرجة قمت ادور البخور والقهوه واطالع تحتي ادور السجاد الأحمر والابتسامه اللي بوجيههم وه ياذيك الابتسامه تخليك تداومين ونفسك مفتوحه --> ... نجي للواقع بعيدا عن التهكم والسخريه اللي ماتوكل عيش
دخلنا مع الباب اللي وش صغره حق الأمن وعلى طول بدون سلآم ولاكلام شنطتك .. [اخذت الامن شنطتي وتعبثت فيها ورجعتها مبهذله ماكلفت على عمرها حتى تسكر السحاب ]~> ي عالم هالتصرف قمة الإهانه صدقوني شنطتك جزء منك خصوصياتك تجي وحده تفتحها وتشوف اللي فيها وتقطها عليك ذل ذل ما اتوقع ينشاف بغير دولتنا العزيزه ~> ول خليت السالفه دوليه .. المفروض احتراماً لخصوصيتنا جابو الجهاز اللي يكشف وجود الكاميرا ما أعتقد انه غالي بدليل اننا نشوفه مع الوافدات السودانيات والمصريات اللي بفتشون بمداخل قاعات الافراح والملتقيات النسائيه ..و لوو كان غالي ما اعتقد عيب على الدوله تسترخص شي لكرامة المواطنات وراحتهم ع الأقل .. المهم بعد تفتيش الشنطه طلبت مني الامن افتح عباتي ~> وانا يوم لبست بلوزتي من العجله ماسكرت الأزارير والتنوره صاعده لنص بطني .. عدلت بلوزتي ببرود ونزلت تنورتي وفكيت عباتي لها وقالتلي امشي ~> مو كانت توكلي على الله الطف او تفضلي او الله يحرسك او الله معك ..!! ايش اللي امشي !!
طلعت وأنا ممتعضه من افتتاحية يومي الفاشله مع الامن ورحت للشؤون ~> ماطاح إلا انبطح .. كنت بسئلهم عن جدولي لأني محوله وقالولي راجعينا الأربعاء .. بقولكم انطباعي عن الشؤون اللي الكل يسب فيهم ويقول ان نفسياتهم خايسه كل الموظفات طيوبات لاكن ظغط الشغل يخلي نفسياتهم شوي مو اوكي يعني مافيه لباقه .. إلا موظفه وحده الله يستر علينا وعليها اول مره رحت الجبيل خلتني اطلع من الكليه وأنا ابكي من وقاحة اسلوبها شوي وتطردني من الكليه لما كانت اوراقي ناقصه ما اقول غير الله يسامحها .. المهم رحت للمكتب المطلوب بعد وقفت طابور طويله شوي واول مادخلت قالتلي الموظفه اللي قلتلكم عنها .. انا مدري ليش تداومون ب العبايات !! .. سبحان الله مستحيل مستحيل تشوفني بدون ما تقول شي مع اني مو داخله عليها ولا ابي اكلمها .. مدري من ردة فعلي الانهزاميه اول مره رحتلها لأن العبره كانت خانقتني طلعت بسرعه قبل ما ابكي بدون ما ارد على كلامها الوقح فـ استحلت انها تتفرعن على راسي وتفرغ طاقاتها الانتقاديه ..! مدري المهم .. قلتلها انا اليوم مراجعه ماعندي محاضرات ادرسها يعني off سكتت وقالت اشوف المحولات كلهم بعبايات ...قلت ليش فيه مشكله !! قالت لأ بس اكيد ماعندك محاضرات .. قلت لاحول الله بكذب عليها يعني .. سفهتها .. وقلت اخلص شغلي مع الموظفه اللي قدامي قلتلها موضوعي قالت بالنسبه لكم ي المحولات ببنزل لكم اعلان الاسبوع الجاي .. ... ... .. اللحين أنا متعنيه من الدمام ومسخنه وحالتي حاله عشان تقولون لي بنحط اعلان طلعت اجر اذيال الخيبه .. وتوجهت للمكتبه أعشق هالمكان عشق .. مع ان المكتبه صغيره وكتبها قليله .. لآكن ممتعه بشكل القى نفسي بذاك المكان .. وألاحظ البنات غافلين عنه بعنف اوكي حلو اسولف مع صديقاتي وارفه عن نفسي بس السوالف ماراح تقدم ولا تأخر ولاراح تضيفلي شي

عكس لما ادخل المكتبه واقرالي كتاب

لمعلوماتكم ي بنات عقلك لما تدخلين المكتبه وتقرين لك كم كتاب وتتلقين معلومات مايرجع مثل ماكان مستحيل لأنه تفتح واستقبل معلومات يعني افضل مماكان

حطيت جوالي ع الصامت مابي ازعاج مع اني كنت واعده صديقاتي اقعد معهم بس قلت اوفي بوعدي ب الباص احسن اللحين عندي شي مايتفوت .. اخذتلي كم كتاب وبجد عندنا كتب تجنن الذكاء العاطفي , العلاج بتدليك اليدين والقدمين ,اكتشف نفسك من جديد , الثقه بالنفس على طريق النجاح .. من الساعه 9 و 45 ليييين 11و45 دقيقه مابغيت اطلع ودي ابكي وحسيت لجيتي فايده وقيمه يعني خيره حتى لو ما أفادوني الشؤون رحت الكافتيريا وسط الزحمه الفضيعه والطاولات الحوسه منظر منفرر البنات قاعدات ع الطاولات وأصلاً مادريت ان فيه طاولات مو منظر كافتيريا أبداً والزحمه فضييييعه طولت مره مره عشان اشتري فطيرة جبن وعصير سيزر تقريبا 15 دقيقه عشان بس أفطر .. الأمن وينكم عن الفوضى اللي صايره ولابس اختصاصكم اي شغله فيها تهزيء للبنات ! وينكم عن توفير النظام للبنات سوق الحراج ارتب من كشك العصيرات المهم رحت توضيت ودخلت المصلى مكان عبآدة الله اللي يشرح الصدر ..اول مادخلت الا بنت فاتحه يدينها ع الآخر ~> فهمتوا الحركه زي الحارس اللي بيصد الكوره واللي جنبها تقول الشنطه .. انا بوجهي علامات استفهام عطيتها شنطتي وانا مستغربه اخذته فتشتها ورجعتها ومشيت وقفت دقايق افكر .. خيييييييييييييييير خيييييييييييييييييييييير اقسم ب الله شي يقهر .. كان ممكن تكلف نفسها وتقول لو سمحتي شنطتك ومالها داعي الأخت الثانيه تسوي حركة الحارس ذي عندك لسان قولي فيه وقفي لو سمحتي .. بعدين انتم ب مصلى أقلها وين السلآم .. اررررررتفع ظغطي لدرجة صليت وأنا معصبه الله لايواخذني
ما أدري اذا هم طالبات أو لأ بس اتمنى يوصلهم صوتي ..

شوية اسلوب وذوق ب التعامل ماراح تظركم .. لاتكرهونا ب المصلى بعد ..

كافي علينا الامن وتعاملهم ..

كافي علينا الشؤون وتعقيداتهم ..

تجون انتم تطينونها ...!
صرنا نحس بها الكليه كأننا مساجين من هالتعامل
حتى المصلى اللي المفروض نهرب منه من هالأشكال ونرتاح فيه عقدتونا فيه .. ليش !!
والله عييييييييييييييييييييب اذا انتي متطوعه للمصلى تبين الأجر ترى حتى ب الأبتسامه وحسن الخلق أجر ي الطيبه .. بليز بليز راجعو انفسكم ..

كانت هذي فضفضتي وقشتي التي قصمت ظهري جد تضايقت بشكل فضيع منهم اتمنى يوصلهم صوتي