وعليكم السلام ورحمة الله ..
أنا معاك الاسلوب شوي .. يعني امس من دخلت الصبح افصخ عباتي و اتعدل
جتني وحده من المسؤولات تقول اشعندك؟؟
خير شهالاسلوب و انا اطالعها بتعجب واضح من شكلي شعندي..شكلها عرفت من نظرات التعجب شاللي فجأه شعندي..قالت انتي طالبه قلت ايوه..
قامت سكتت شوي وقالت يلا خلصوا بسرعه وروحوا لمحاضراتكم .."نحتاج هالمكان"
س ل ا م ا ت
الاربعاء مافي محاضرات بالساعه الأولى ..
طبعا أنا ماهمني أبدا و اخذت لي نص ساعه اتعدل .. نفسيا اذا احد قال لي بسرعه ابطء مااقدر ذذ
....
بالنسبه لبنات المصلى .. أنا أقدر موقفك من اول الصبح وتحسين الناس كلهم عليك
لكن هي كلمة حق أقولها بنات المصلى اللي اعرفهم منهم جدا ذوق ..
و فيه ناس كذا ماعندهم "لو سمحتي..الله يعطيك العافيه.....الخ"
فما ادري حسيته ظلم انك تعممين هالشي وتقولين بنات المصلى ..
غير كذا هي ما اهانتك ولا قالت لك شي وحتى من كلامك ماقلتي انها صرخت او كان الاسلوب مره معك ..زي الاخت في الله يوم قالت لي "شعندك؟" ..
هي انسانه وطلبوا منها تسوي شي فسوته ..
عن نفسي اللي صادفتها وفتشت شنطتي ما اعرفها اول مره اشوفها هالسنه
وعطيتها شنطتي و عادي مع الزحمه قدرت الموقف
وافهمي ان هالموقف اللي بالمصلى لمصلحة الجميع..
اللي حبيت اوصله لك ياعزيزتي..
لاتعممين ع الكل .. ماتدرين يمكن بكره تصيرين بمكان أعضاءه كثير و اصادف احد مايعجبني اسلوبه .. واخليك انتي من ضمن اللي ماعندهم اسلوب .. ترضين..؟؟
هي مجرد كلمة حق و قلتها ...
عموما الله ييسر أمورك و يوفقك وتروحين وتجين زينا و تدخلين المصلى و ترتاحين فيه و تعبدين الله بخشوع زتنسين كل هالمواقف..