2011- 10- 6
|
 |
أكـاديـمـي نــشـط
|
|
|
|
|
حقيقة كلية الخفجي ومنسوبيها
السلام عليكم ورحمة الله وبركاته
شخباركم بنات ؟وشخبار الحمله ؟
انا اختفيت هالفتره من حالة االأكتئاب اللي جتني من كليتنا الحلوه ماقصرت معي والله
بس رديت عل وعسى ينسمع صوتنا واملنا بالله كبير ثم بالمسؤلين مهما كان دورهم بأي مكان .
راح احاول اوجز اللي شهدت بكلية الخفجي هاللأسبوع على امل اني مااشوفه مره ثانيه
طبعا لازم نوصل الصوره للي ماشافوا شي من خارج المنتدى
هالاسبوع كان صعب علي لاني توقعت الامور بتتعدل بعد ماصارت شوشره بالمنتديات الأسبوع اللي طاف لكن .....
في عدة امور اتعبتني
بتكلم عن القاعااااات اللي ماعليها ارقام او توصيف :
تخيل معي يازائر الصفحه الكريم هالمبني مكون من 3 طوابق وله مداخل ومخارج متشابهه والابواب ماعليها توصيف او ارقام
كليتي العزيزه بخصوص انكم تكتبون ارقام القاعات بالجدول , والقاعات ماعليها ارقام .......
برنامج ابحث عن الكنز اذا في امك خير ؟؟؟
لا وااااااذا وصلنا , نوصل متأخرين ونحصل زفه من الاستاذه هذا اذا ماانطردنا او تسجلنا غياب
الى متى وحنا على هالحاله
انا اقول لكم بالفم المليان , انا مستعده اجيب لوحات واكتب ارقام واسماء القاعات والزقها على الأبوب بس انتم عطونا فرصه نسوي شغلكم 
وغيري كثيررررر
ومستعده اسوي جدول واضيف لها عمود يوصف الطابق
مثلا القاعه رقم 121 -الدور الثالث واضيف اي توصيف يساعد هالطالبات اللي ضاعوا بالطوشه
اذا هالموضوع السخيف ماعدلتوه , بالله شنو الامور المهمه اللي تسوونها طول اليوم
بتكلم عن القاعه نفسها
مافي ترتيب مافي نظام مافي مساحه كافيه من طاوله لطاوله
تخيل تكدس الطالبات بالوسط مثلا او على اليمين تحت التكييف
لا ويطلب الدكتور مشاركة الطالبات معه , تجي طالبه تبي تجاوب وهي جالسه بالوسط وبالزحمه
بس لازم توصل للميكرفون عشان تعطي الدكتور اجابتها
خذي من الوقت الضايع وازعاج الطاولات وهي تنجر
وحضرتها المراقبه نافخه خشمها كنها مغصوبه على الدوام , طيب رتبي البنات وخلي
مسافه بين الطاولات , او على الاقل خذي اجابة الطالبه ووصليها للأستاذ بدل منتي واقفه زي
الصنم لا شغله ولا عمله
اصلا تدروون انه من داومنا الى يومكم هذا مافي مراقبه جت من نفسها وبكرامتها للمحاضره ,كله
جهد من الطالبات تروح الطالبه للمسؤله تبلغها ان الدكتور بدء محاضرته ومافي مراقبه عندنا
طبعا واخر مره جتنا المراقبه زعلااااااانه تقول ليش رحتوا اشتكيتوا علي
 فوق شينها قوة عينها
طيب انتي ليه ماحترمتي هالبنات وهالدكتور اللي يشرح وجيتي بوقتج
لا واللي يقهر مسويه نفسها فلته , ماتقرا اسماء الطالبات عشان تشوف الحضور والغياب ، الا والدكتور يشرح خير انشاءالله
شيصير فيج لو نطرتي لين الدكتور يخلص محاضرته بعدين نادي باسماء البنات ماتاخذ من وقتج 3 دقايق ,ولاتخافين البنات غصب عنهم بينطرون لانهم مايبون يتسجلون غياب
ونفس الشي ورقه التوقيع ليه مايخلونها لما تخلص المحاضره عند الباب وقبل تطلع الطالبه توقع .gif "(107)") بدل هالشوشره خلال المحاضره
اصلا من يقول الدكتور في اي سؤال ياطالبات ؟تبدء المراقبه تتسابق مع الطالبات على الطلعه
خير انشاءاالله - اطفال -الله يكملنا بعقولنا
رساله الى كل المسؤلين داخل الكليه وخارجها
قال الرسول صلى الله عليه وسلم (كلكم راعي وكلكم مسؤل عن رعيته )
|