ايه اخافك .. مثل مآخاف من نفسي عليّا
وانتي اقرب (خوف) عشته من ايام الطفوله

سافري .. وان عاد قلبي لك ورحّب وحيّـا
في سما النسيان طشّي وراك اللي يقوله

الجروح فـ بعض الاحيان تاخذها الحميّـا
"والكتابه جرح" قد ايش جرحي بالسهوله !

من متى كنتي لمثلي .. ومثلك كان ليّـا ..
المسافه بيننا .. عمْر .. / ماينقـاس طوله

سامحيني .. بعض الاحلام ماتكبر كذيّا ..
والحياة اثمن .. والايام في عمري عجوله

مابقا بي (شِعْر) .. بـ ظلال داعيه آتفيّـا
والنهار اللي تخيّلت .. خلّي لي افـوله ..

والفراق اللي نخافه ليا من قال : هَيّـا ..
له يديني تفتح الصدر .. وتلبّي وصوله