يامسهرني على ليل الغياب
شوف جرحي منك توه مابرى
ماخذيت من الهوى غير العذاب
كل واحد ناظر بعيني درى
دمعتي تحكي تفاصيل الكتاب
قصة ٍ مافارقتني بالكرى
غبت واحساسي بعد ماغبت غاب
شي لايمكن ولكنه جرى
ضيقتي والبرد ودموع العتاب
ماتوقف كل ماطيفك طرى
ذابت اشواقي بعد مالشمع ذاب
والمشاعر مالها غيرك ذرى
لاتجي مادام ظني فيك خاب
وحبنا مدفون في وسط الثرى
ذبلت اوراق الغلا فوق التراب
وانتهى عمري وعينك ماترى
ماتت اشواقي وكلمات العتاب
روّحت من عقب ما ليلك سرى
انتهيت ورحت في درب الغياب
وجيت اداوي الجرح لكن مابرى