ملتقى طلاب وطالبات جامعة الملك فيصل,جامعة الدمام - عرض مشاركة واحدة - ياللي تدرسون انتساب هل تعلمون مصير شهادتكم؟؟؟؟؟؟

بطاليه حدي · 2011- 10- 7

اقتباس:

المشاركة الأصلية كتبت بواسطة وزيرة

يـا بعض الردود بس تبـي تجـاكـر !؟

أعتقـد أن كـل واحد فينـا قبل مـايتخـذ قرار الدراسـة عن بعـد كـان محدد هدفـه !؟ والأخت مـاقصرت حبت تنبـه وتحرص ومـاأشوف في موضوعهـا أي تحطيم باالعكس من ردودهـا أمـانةً أهنيهـا على روح التشجيـع والنصيحـة أحنـا بعد لازم نقوي قلوبنـا مو تصير رهيفـه وتهف على كـل خبر !؟
أقل شي خـل نقول الله يجزاج خير وهي ذكرت أكثر من مره وواضـح أصلاً من موضعهـا مو قصدهـا التحطيم !؟
خـل تكون عندنـا ثقـة بأنفسنـا ،بأهدافنـا ، بأحـلامنـا نبذل الأسباب واللي كـاتبـه ربي بيصيـر !؟
شـوفي باالنسبـة لي بكون معـاج صريحـة أنـا لاأثق لا بوزارة التربيـة والتعليم ولا وزارة الخدمـة المدنيـة كلهم شغـل مماطـلات وفيتـامين واو "على الأغلب" !؟ أكثر من أنج تقدمين وأنتي ضـامنه القبول بمـا أنج مستوفيـه جميـــــع الشروط تخصص مطلوب في جميـع القطاعات + معدل يؤهلنـي باالراحـة + جهة تعليمـة معترف فيهـا ولهـا عراقتهـا ومـع ذلك أفـاجـئ بأننـي لم أترشـح حتى للقبول المبدئي !!!!!!!!!!؟
يقدر مـاأني أنصدمت فقدت الشعور هذا اللي أقدر أقولـه لـج

العجيب أن هاالوزارتين من أكثر الوزارات اللي تضـخ لهم الدولـة والنتـائج عكسيـة بمقدار الدعم !!!!!!!!!!
كملت دراسـة عن بعـد ليس لأننـي أثق فيهم بـل لأنني أثق بااللذي هو فوق الجميـع وعلى علم ويقين بأن ربي حبيبي لن يخذلنـي !؟ أنـا تخصصي E لكن مع ذلك موب مطمئنـة لأن قراراتهم ممكن تتغير بين يوم وليلة زي ممطالة التحويل للأنتظـام وغيرهـا من الأمور !؟
وفي كـل الأحوال الحمد لله على كـل حـال مـاينغلق باب إلا ربج يفتح لـج أبواب !؟
ولو على الطموح مـايوقف مـاستر ودكتوراة والعلـم بحـر مثـل مـاقال الكثير هنـا !؟ لكن لازم نتذكر بأن مو الكـل يقدر يدرس على حسـابه إلى متى يعنـي !؟
خوفـج أظـل أدرس على حسـابي إلى البروفسوراه آخـر شي أقدم على وظيفـة ويقولون لـي يامال الفلسفـة بس أنتسـاب وتبرد !؟

الله يعينـج عزيزتي وياخـذ حقكم وحسبنـا الله وكفى باالله حسيبـأً رزقـج مـاتدرين هو وين
حمـاة أختي تبشرنـا اليوم بخبر توظيفهـا معلمـة في قطـر !؟؟ تقول مستغربين هنـاك يقولون لنـا غريبـة ليش تجون تقدمون عندنـا ياالسعوديات مـافي وظـايف ببلدكم !؟
مـاودي إلا أزرع فيـج يابلادي لكن وش حيلتي لو كنتي أنتي من تحدينـي < آآآخ من القلب والله العظيم

مــاشاء الله عليك أهنيك ياوزيره تنفعين تكونين وزيره بالفعل

خلهم يرشحونك يمكن تتعدل الأنظمه

أنا بعد اعرف بنات بأحد المنتديات ينزلون مواضيع يقولون بيهاجرون الإمارات وقطر

وبالفعل قاموا يقدمون وربي حسيت بحرقه بداخلي على هالحال المزري اللي وصلنا له

مـــآشفتيهم كيف يركضون ورآآ حافز مــآكأنهم ببلاد خير

لكن نقول ان شاء الله تتعدل الأمور .... نقول متفآئلين ....

شدي حيلك وان شاء الله ربي يوفقك

تشوفوني اشوي متحطمه لكن تأكدوا اني حاطه أمل آخذ حقي قرييييييب

الله يعينهم علي مدام إني طرف بالموضوع باخذ حقي وحق غيري إصبروا علي بس <<

يمكن في البدايه صح انهرت بعد ماشفت الظلم لكن اهلي طمنوني

إنهم بيوقفون معي الين آخذ حقي لذلك متفائله خير

وإن جد جديد بموضوعنا راح أبلغكم فيه أكيد وماراح ابخل عليكم

بنشوف وش بيسوون الإخوان بالقضيه اللي بعد إسبوع

ويارب يكون معنا الحق ومــآنلقى أي مماطله