ملتقى طلاب وطالبات جامعة الملك فيصل,جامعة الدمام - عرض مشاركة واحدة - التاريخ تجميع طـآلبـآت المستويين{ الخـآمس + السـآبع "خـطـة قديــمــة فقط"

ѕαмт · 2011- 10- 7

اقتباس:

المشاركة الأصلية كتبت بواسطة ZoOom

بنات
ايش سالفة المراقبة اللي حاطها الدكتور في شرق اسيا يوم الاربعاء
مو معقولة هو يشرح من 8 إلى 10 وهي تستلمنا اسئلة من 10 إلى 10 ونص
وفوق هذا ماتبينا نقرا من الكتاب او الدفتر يعني بالله عقلي كيفل هالمعلومات
وتبي عروض باور بوينت وزززززحمة .. ايش السالفة انقهرت قسم بالله انظمة تجيب الجلطة

^ فضفضت لين قلت آمين

انا حضرت المحاضرره ذي مع صديقتي ومعي وحده من العربي من غير ماتدري --> خبركم ربوع وفله3 ساعات وفاضيين يعني

استغربت انا لما جات بشوي طلعت غزاله ثم بدأت تنفش ريشها
وانا بسوي وبسأل ولق لق لق إلخ ازعجت البنات وصوت الدكتور بالعافيه يطلع
وتسوي نفسها مادري كيف مع الدفتر إلي تكتب فيه احسه تحفر

بعدين حضرت جنابها ناويه تلغي البريك 20 دقيقه ياحليلكم والله --> الله يعينكم
بس ضحكتني يوم قالت على ايامنا 10 دقايق حسبالها الكفتيريا بالقاعه إلي جنبكم
واقتراحها إلي بنظرها مرضي تجيبون اكلكم من الصبح --> سلامات ذكرتني بالفسحه زمان
مع احترامي لشخصها بس ترى هالاسلوب احسه حتى بالروضه مب كذا
اما لحكاية العرض مادري شنو تحس فيه --> مادري كيف بيجي العرض بمدرج
و إيه بعد ما حبيت حركتها يوم سأل الدكتور وطلب الاجابه من البنات
نطت ودقت وقالت في بنتين بيجاوبون وحددت لهم كم فقره وحده 3 والثانيه 2
وتقول لهم تجاوبون من غير دفتر وهي قريبه من المايك عشان تسمع الدكتور وكله كوم إلا وهي تسحب الدفتر كوم بس البنت مسكته بقوه --> واي مالها داعي هالحركه
ع مايبدو انها ع الصبح فقدت احد الاسلاك وشبك بغير محله

--> صديقتي ومعها كم بنت بيشتكون للقسم سيري وياهم ناوين السبت

اي صح اسمها عبير وناويه تدرس الخليج الترم الجاي خذو احتياطكم

--> ما اقول إلا يارب صبرك ع هبال هالكليه الناس تتطور وترتقي وهم ...